ەربولات دوسايەۆ 28-30 مامىر ارالىعىندا قالادا ش. ءۋاليحانوۆ اتىنداعى الاڭدا ءوتىپ جاتقان «الماتى كىتاپ جارمەڭكەسى» اتتى كىتاپ جارمەڭكەسىندە بولدى.
اۋقىمدى مادەني ءىس-شارانىڭ ۇيىمداستىرۋشىلارى الماتى اكىمدىگىنەن باسقا مادەنيەت جانە سپورت مينيسترلىگى مەن ۇلتتىق مەملەكەتتىك كىتاپ پالاتاسى بولىپ تابىلادى.
كىتاپ جارمەڭكەسىنىڭ اشىلۋىنا ق ر مادەنيەت جانە سپورت ءمينيسترى داۋرەن ابايەۆ، قازاقستان جازۋشىلار وداعىنىڭ ءتوراعاسى ۇلىقبەك ەسداۋلەت جانە باسقا دا ادەبيەت پەن مادەنيەتتىڭ كورنەكتى وكىلدەرى قاتىستى.
كىتاپ جارمەڭكەسىنە 50-دەن استام وتاندىق باسپالار مەن كىتاپ دۇكەندەرى، سونداي-اق قىرعىزستان مەن رەسەيدەن كەلگەن دەلەگاسيالار قاتىسۋدا. كورمە-جارمەڭكەنىڭ قوناقتارى كىتاپ نارىعىنىڭ جاڭالىقتارىمەن تانىسۋعا، اۆتورلارمەن كەزدەسۋگە جانە قولتاڭبا سەسسيالارى اياسىندا قول قويىلعان تۋىندىلاردىڭ دانالارىن الۋعا مۇمكىندىك الدى.
ءىس-شارا اياسىندا مەرەكەلىك كونسەرت، جازۋشىلار مەن اقىنداردىڭ ءتۇرلى شىعارماشىلىق نومىرلەرى جوسپارلانعان. مەگاپوليس قوناقتارى مەن تۇرعىندارى زياتكەرلىك ۆيكتورينالارعا قاتىسا الادى، جەڭىمپازدارعا كىتاپتار بەرىلەدى.
جارمەڭكەدە قازاقستان رەسپۋبليكاسى ۇلتتىق مەملەكەتتىك كىتاپ پالاتاسىنىڭ «سيرەك كىتاپتار مەن قولجازبالار مۇراجايى» ەكسپوناتتارى ۇسىنىلادى. بارلىق تىلەك بىلدىرۋشىلەردىڭ XIX عاسىردىڭ اياعى مەن XX عاسىردىڭ باسىندا جارىق كورگەن الاش قوزعالىسىنىڭ كورنەكتى قايراتكەرلەرىنىڭ بىرەگەي كىتاپتارىمەن تانىسۋعا مۇمكىندىگى بار.
جارمەڭكە وتەتىن كۇندەرى باسپا ءىسىن، كىتاپ ساتۋدى، زاماناۋي بالالار ادەبيەتىن دامىتۋ بويىنشا دوڭگەلەك ۇستەلدەر وتەدى، وندا ماماندار وسى ماسەلەلەردى ەگجەي-تەگجەيلى تالقىلايدى.