ەربولات دوسايەۆ الماتىداعى №70 مەكتەپتى كۇردەلى جوندەۋدى جەدەلدەتۋدى تاپسىردى
الماتى اكىمى ەربولات دوسايەۆ بوستاندىق اۋدانىنا جۇمىس ساپارى ارالاۋ كەزىندە №70 مەكتەپ عيماراتىن كۇردەلى جوندەۋ جانە سەيسميكالىق نىعايتۋدىڭ بارىسىمەن تانىستى.
شامامەن 30 جىل بۇرىن سالىنعان 1250 ورىندىق مەكتەپتى جوندەۋ 2022 جىلدىڭ قاراشاسىندا باستالدى. الايدا، شارتتا كوزدەلگەن جىل ىشىندە مەردىگەر ۇيىم جۇمىس كولەمىنىڭ تەك 40% - ىن عانا ورىنداعان.
سوندىقتان قۇرىلىس باسقارماسى مەردىگەرگە قاتىستى تۇراقسىزدىق ايىبى مەن مەملەكەتتىك باجدى ءوندىرىپ الۋ تۋرالى سوتقا تالاپ ارىز بەردى.
اعىمداعى جىلدىڭ ءساۋىر ايىندا جۇمىستار قايتا جانداندى جانە بۇگىنگى كۇنى نىساننىڭ دايىندىعى 80% - عا دەيىن جەتكىزىلدى: شاتىر جابىنى جابدىقتالدى، ينجەنەرلىك كوممۋنيكاسيالار جۇرگىزىلدى، ىشكى ارلەۋ اياقتالۋدا، اۋماقتى اباتتاندىرۋ جانە ت.ب. جۇرگىزىلۋدە.
مەگاپوليس اكىمى ىشكى ارلەۋ ساپاسىنا قاتىستى ەسكەرتۋجاسادى، كىرۋ توبىنىڭ الدىندا نوسەر سۋلارىن بۇرۋدى قاراستىرۋدى تاپسىردى.
«بۇل مەكتەپتى رەكونستۋركسيالاۋ جوباسى 2019 جىلى ازىرلەندى جانە وندا ءبىز ەنگىزىپ وتىرعان ستاندارتتار ەسكەرىلمەگەن. سوندىقتان مەكتەپتى ساپالى جابدىقتاۋعا ەرەكشە نازار اۋدارۋ كەرەك. بارلىق جۇمىستاردى جاڭا وقۋ جىلى باستالعانعا دەيىن اياقتاۋ قاجەت»، - دەپ اتاپ ءوتتى ەربولات دوسايەۆ.
