الماتىدا ەرمەنساي شاعىن اۋدانىنىڭ تۇرعىندارىن كولىكپەن قامتاماسىز ەتۋ ءۇشىن اۆتوبۋستار سانى ارتىپ، جاڭا باعىت ۇيىمداستىرىلادى. قالا اكىمى ەربولات دوسايەۆ بوستاندىق اۋدانىنىڭ تۇرعىندارىمەن كەزدەسۋ بارىسىندا ءتيىستى تاپسىرما بەردى.
ەرمەنساي شاعىن اۋدانىندا اۆتوبۋستاردىڭ جەتىسپەۋشىلىگى تۋرالى تۇرعىنداردىڭ سۇراعىنا جاۋاپ بەرە وتىرىپ، مەگاپوليس اكىمى بۇل شاعىن اۋدان باستاپقىدا باۋ-باقشا سەرىكتەستىگى بولعانىن، وندا باستاپقىدا ۇيلەر مەن قورشاۋلارمەن تىعىز سالىنعان تار جولدار بولعانىن اتاپ ءوتتى.
«جولداردى كەڭەيتەتىن جەر جوق، ۇلكەن اۆتوبۋستار ول جەردەن وتە المايدى. جالعىز نۇسقا-ارالىقتى قىسقارتۋ ءۇشىن قولدانىستاعى مارشرۋتتاعى شاعىن اۆتوبۋستاردىڭ سانىن كوبەيتۋ. سونداي-اق، قالالىق موبيلدىلىك باسقارماسىنا ەرمەنساي شاعىناۋدانى مەن قازاقفيلمدەگى ايالداما اراسىندا تىكەلەي جۇرەتىن تاعى ءبىر قىسقا مارشرۋتتى ىسكە قوسۋدى تاپسىرامىن. بۇل جۇمىس اعىمداعى جىلدىڭ مامىر ايىنىڭ سوڭىنا دەيىن جۇرگىزىلەدى»، - دەپ اتاپ ءوتتى ەربولات دوسايەۆ.