قاسىرەتتى قاڭتار وقيعاسىنا 40 كۇن
الماتى اكىمى ەربولات دوسايەۆ قالانىڭ ورتالىق مەشىتىنە بارىپ قاڭتار تراگەدياسىندا قازا تاپقانداردىڭ رۋحىنا قۇران باعىشتاپ، تىرىلەردىڭ تىرشىلىگى ءۇشىن قۇربان شالدى. بۇل تۋرالى ق ر پارلامەنت دەپۋتاتى جاناربەك ءاشىمجان facebook-تەگى پاراقشاسىندا جازدى.
«بۇگىن تاڭعى ساعات 8-دە الاتاۋدىڭ باسىن مۇنار، باۋىرىن ءورت شالعان وسى قاسىرەتتى وقيعانىڭ قىرىق كۇندىگىنە بايلانىستى الماتى قالاسىنداعى ورتالىق مەشىتتە ءارۋاقتارعا باعىشتاپ قۇران وقىلىپ، ەلدىڭ ەرتەڭى ءۇشىن تىلەك تىلەپ، جاراتقانعا سالاۋات ايتىلىپتى. شاھاردىڭ جاڭا باسشىسى ەربولات دوسايەۆ قىرىق كۇندىككە ارناپ ءارۋاقتاردىڭ رۋحىنا قۇران باعىشتاپ، تىرىلەردىڭ تىرشىلىگى ءۇشىن قۇربان شالىپتى، نيەت قابىل بولسىن!»،-دەپ جازدى دەپۋتات.
ايتا كەتسەك، قاڭتار وقيعاسىنا بۇگىن قىرىق كۇن تولدى. قازاقستان ازاماتتارى سول قاسىرەتتى كۇندەرى قازا تاپقانداردى ەسكە الىپ جاتىر. تاڭەرتەڭ ق ر پرەزيدەنتى قاسىم-جومارت توقايەۆ استاناداعى حازىرەت سۇلتان مەشىتىنە بارىپ، قازا تاپقانداردىڭ رۋحىنا قۇران باعىشتاپ، قۇرباندىق شالعان بولاتىن.
