اۋرۋحانادا 20 بەيىن بويىنشا 18 كلينيكالىق بولىمشە بار
الماتى اكىمى ورتالىق قالالىق كلينيكالىق اۋرۋحانانىڭ قىزمەتكەرلەرىمەن كەزدەسىپ، تەلەمەديسينا ورتالىعى مەن مەديسينالىق مەكەمە بولىمشەلەرىنىڭ جۇمىسىمەن تانىستى دەپ حابارلايدى Almaty-akshamy.kz.
ەربولات دوسايەۆ اۋرۋحانا قىزمەتكەرلەرىنە قاڭتارداعى قايعىلى وقيعالار كەزىندە قىزمەتتىك بورىشىن كاسىبي اتقارعانى ءۇشىن العىس ايتتى.
قىزمەتكەرلەر جاراقات العاندار مەن زارداپ شەككەندەرگە، اسكەري جانە ازاماتتىق تۇلعالارعا باس سۇيەك-مي جانە اتىس جاراقاتتارى بار ادامدارعا كومەك كورسەتتى.
قاڭتاردىڭ قايعىلى وقيعالارى كەزىندە كلينيكاعا بارلىعى 300-دەن استام زارداپ شەككەندەر جۇگىندى. دارىگەرلەر 250-دەن استام وپەراسيا جاسادى. كوپتەگەن پاسيەنتتەرگە ولاردىڭ جاعدايىن تۇراقتاندىرۋ جانە ومىرگە ءقاۋىپ توندىرمەۋ ءۇشىن العاشقى شۇعىل وتا جاسالدى.
كەزدەسۋ بارىسىندا قالا باسشىسى قابىلداۋ ءبولىمىنىڭ، وتا زالىنىڭ، رەانيماسيا جانە وفتالمولوگيالىق بولىمشەنىڭ جۇمىسىمەن تانىستى.
الماتى اكىمى بالالارعا شۇعىل مەديسينالىق كومەك كورسەتۋ ورتالىعىنىڭ جاڭا كورپۋسى قۇرىلىسىنىڭ بارىسىن باعالادى. نىساندى جىل سوڭىنا دەيىن پايدالانۋعا بەرۋ جوسپارلانۋدا.
كەزدەسۋ سوڭىندا ە. دوسايەۆ مەديسينالىق مەكەمە جانە قوعامدىق دەنساۋلىق باسقارماسىنىڭ باسشىلىعىمەن وزەكتى ماسەلەلەردى جانە ودان ءارى دامۋ جوسپارلارىن تالقىلادى.
انىقتاما ءۇشىن:
ورتالىق قالالىق كلينيكالىق اۋرۋحانا – الماتى قالاسىنداعى ەڭ ءىرى كوپبەيىندى ستاسيونارلاردىڭ ءبىرى. مۇندا جالپى 655 توسەك-ورىن قورى بار.
اۋرۋحانادا 20 بەيىن بويىنشا 18 كلينيكالىق بولىمشە جانە 1224 نەگىزگى قىزمەتكەر، ونىڭ ىشىندە 231 دارىگەر جانە 451 مەيىربيكە جۇمىس ىستەيدى.
بالالارعا شۇعىل مەديسينالىق كومەك كورسەتۋ ورتالىعى – الماتى قالاسى مەن رەسپۋبليكانىڭ بارلىق تۇرعىندارىنا تاۋلىك بويى بىلىكتى جانە جوعارى مامانداندىرىلعان مەديسينالىق جانە دياگنوستيكالىق شۇعىل ءارى جوسپارلى كومەك كورسەتەتىن ءىرى كوپبەيىندى كلينيكا.
قازىرگى ۋاقىتتا ستاسيوناردا 275 توسەك ورىن بار. اۋرۋحانانىڭ جوعارى بىلىكتى ماماندارى – 4 مەديسينا عىلىمدارىنىڭ كانديداتى، 43 دارىگەردىڭ جوعارى جانە ءبىرىنشى بىلىكتىلىك ساناتتارى بار.