وڭتۇستىك كورەيانىڭ چۋنچوننام-دو پروۆينسيتياسىنىڭ گۋبەرناتورى كيم تحە حىممەن كەزدەسكەن الماتى اكىمى ەربولات دوسايەۆ قازاقستان-كورەي قاتىناستارى ستراتەگيالىق ارىپتەستىكتىڭ جوعارى دەڭگەيىندە ەكەنىن اتاپ ءوتتى.
الماتى اكىمى وڭتۇستىك كورەيا قازاقستان ەكونوميكاسىنداعى جەتەكشى شەتەلدىك ينۆەستورلاردىڭ ءبىرى بولىپ تابىلاتىنىن اتاپ ءوتتى. 2005 جىلدان بەرى شامامەن 9،5 ملرد. اقش دوللارى تارتىلعان. الماتى مەن كورەيا رەسپۋبليكاسى اراسىنداعى تاۋار اينالىمى قارقىندى وسۋدە. 2023 جىلى بۇل كورسەتكىش 2022 جىلمەن سالىستىرعاندا 21% - عا ارتىپ، (2022 ج. - 1،05 ملرد. اقش) 1،27 ملرد. اقش دوللارىن قۇرادى، دەپ حابارلايدى اlmaty-akshamy.kz.
الماتىدا وڭتۇستىك كورەيا كاپيتالىنىڭ قاتىسۋىمەن 537 كاسىپورىن جۇمىس ىستەيدى (قازاقستاندا - 735). كورەي بيزنەسى Samsung، KIA، Hyundai، LG، SsangYong، Lotte جانە ت.ب. سياقتى ءىرى كومپانيالار ارقىلىن كەڭىنەن ۇسىنىلۋدا.
ءوز كەزەگىندە كيم تحە حىم ەربولات دوسايەۆقا قوناقجايلىلىعى ءۇشىن العىس ايتىپ، قازاق جانە كورەي حالىقتارى اراسىنداعى تەرەڭ تاريحي بايلانىستاردى اتاپ ءوتتى. كيم تحە حىم ەتنيكالىق كورەيلەردىڭ قازاقستانعا قونىس اۋدارۋىنىڭ قيىن كەزەڭىندە وتانداستارىنا كورسەتىلگەن قولداۋدى اتاپ ءوتىپ، ودان ءارى ارىپتەستىكتى نىعايتۋعا ءۇمىت ءبىلدىردى.
ول سونداي-اق چۋنچوننام-دو پروۆينسياسى وڭتۇستىك كورەيا ەكونوميكاسى دامۋىنىڭ لوكوموتيۆى ەكەنىن، ەكسپورت كولەمى بويىنشا ءۇشىنشى، ساۋدا بالانسى مەن ءجوو بويىنشا ەكىنشى ورىندا تۇرعانىن حابارلادى. بۇگىنگى تاڭدا پروۆينسيادا ەلەكترونيكا، كوسمەتيكا، ازىق-تۇلىك تاۋارلارى، اۋىل شارۋاشىلىعى جانە بالىق شارۋاشىلىعى ءوندىرىسى دامىعان.
تاراپتار ىنتىماقتاستىقتى ودان ءارى دامىتۋ ءۇشىن زور الەۋەتتى اتاپ ءوتتى. كەزدەسۋ بارىسىندا ساۋدا-ەكونوميكالىق جانە ينۆەستيسيالىق ءوزارا ءىس-قيمىلدى، ونىڭ ىشىندە تۋريزم، ءبىلىم بەرۋ جانە جاستاردى قولداۋ سالالارىن ۇلعايتۋ ماسەلەلەرىنە ەرەكشە نازار اۋدارىلدى.