الماتىدا اباي داڭعىلى مەن ماسانشى كوشەسىنىڭ قيىلىسىندا ورنالاسقان بۇرىنعى وقۋ-كلينيكالىق ورتالىقتىڭ عيماراتى قالالىق بالالار وڭالتۋ ورتالىعى بولىپ قايتا جاڭارتىلادى. المالى اۋدانىنىڭ تۇرعىندارىمەن كەزدەسۋ بارىسىندا الماتى اكىمى ەربولات دوسايەۆ بۇگىنگى تاڭدا جوبانى تۇزەتۋ اياقتالعانىن حابارلادى.
«جەتىسۋ ساۋلەت قۇرىلىس» ج ش س ازىرلەگەن باستاپقى جوبا ساراپتامادان وتپەدى، سوندىقتان جۇمىستىڭ باستالۋ مەرزىمى وزگەردى. بۇگىنگى تاڭدا جاڭا جوبا ازىرلەندى. جوبا مەملەكەتتىك ساراپتامادان شىققاننان كەيىن مەردىگەرلىك ۇيىمدى انىقتاۋ بويىنشا كونكۋرس وتكىزىلىپ، سودان كەيىن تىكەلەي قۇرىلىس-مونتاجۋ جۇمىستارى باستالادى»، - دەپ اتاپ ءوتتى مەگاپوليس اكىمى.
ءبىر اۋىسىمدا 250 كەلۋشىگە ارنالعان ورتالىق تىرەك-قيمىل اپپاراتى اۋرۋلارى، بالالاردىڭ سەرەبرالدى سال اۋرۋى، سويلەۋ پاتولوگياسى، سونداي-اق اقىل-وي دامۋىنىڭ اۋىتقۋى بار 18 جاسقا دەيىنگى بالالاردى كەشەندى وڭالتۋعا ارنالعان.
نىسان ساۋلەت ەسكەرتكىشى بولعاندىقتان، جوبا زاماناۋي ماتەريالداردان قاسبەتتىڭ باستاپقى كورىنىسىن قالپىنا كەلتىرۋدى قاراستىرادى.