ArtSport باعدارلاماسىنىڭ ىسكە اسىرىلۋىن تالداۋ نەگىزگى پروبلەمالاردى انىقتاۋعا جانە ءتيىستى قورىتىندى جاساۋعا كومەكتەستى، دەپ مالىمدەدى وكق بريفينگىندە الماتى اكىمى ەربولات دوسايەۆ.
قالا باسشىسى پلاتفورمانىڭ جۇمىسى كوپ شاعىم تۋدىرعانىن ايتتى: بالالارعا بىرنەشە ۆاۋچەر بەرىلدى، ساباققا قاتىسۋدى قاداعالاۋ مۇمكىن بولمادى، ساباققا قاتىسۋ تۋرالى تابەلدەردەگى دەرەكتەر وڭاي قولدان جاسالعان. Artsport-قا قاتىستى تەكسەرۋگە الماتى اكىمدىگى باستاماشىل بولدى، دەپ حابارلايدى Almaty-akshamy.kz.
"ادامدار الداندى،ويتكەنى ناقتى تالاپتار جوق: سەنىڭ ءتيىستى بىلىكتىلىگىڭ،قاجەتتى سەرتيفيكاتتارىڭ بار ما، بالالارمەن جۇمىس ىستەي الاسىڭ با؟ مۇندا باستى نازاردا تەك ساندار عانا بولودى، قانشا ادام جۇمىس ىسچتەسە، بالالار سانى دا سونشا بولدى. بالالار سانىنا قاراي اقشا تولەندى. ءبىز بۇل جاعدايدان بارلىق ءتيىستى قورىتىندى جاسادىق"، - دەدى ەربولات دوسايەۆ.
وكق بريفينگىندە قالا باسشىسىنا ArtSport باعدارلاماسىندا جۇمىس ىستەگەن جاتتىقتىرۋشىلاردىڭ سوتتالعاندىعى تۋرالى سۇراق قويىلدى. الماتى اكىمى بالالاردىڭ اتا-انالارىنان كامەلەتكە تولماعاندارعا قاتىستى زاڭسىز ارەكەتتەر تۋرالى قۇقىق قورعاۋ ورگاندارىنا بىردە-بىر ءوتىنىش تۇسپەگەنىن حابارلادى. ەربولات دوسايەۆ قاجەت بولعان جاعدايدا جانە وسىنداي فاكتىلەردى انىقتالعان كەزدە وتباسىلارعا قولداۋ كورسەتىلەتىنىنە سەندىردى.
ءقازىر تەگىن ۇيىرمەلەر مەن سەكسيالارعا جازىلۋ DamuBala ەلەكتروندىق پورتالى ارقىلى جۇزەگە اسىرىلادى. جاڭا باعدارلامانى ىسكە اسىرۋ ءۇشىن 20 ملرد تەڭگەدەن استام قارجى ءبولىندى. پلاتفورمادا اتا-انالار بالانىڭ قايدا جانە قالاي اينالىساتىنىن باقىلاي الاتىن جانە قۇقىق قورعاۋ ورگاندارى ءتيىستى باقىلاۋدى جۇزەگە اسىراتىن ناقتى جانە تۇسىنىكتى كريتەرييلەر بار. قازىرگى ۋاقىتتا 65 086 بالا ۆاۋچەر الدى. كەزەك بيۋدجەت قاراجاتىنىڭ بوساۋىنا سايكەس جۇرەتىن بولادى.