الماتى اكىمى ەربولات دوسايەۆ بوستاندىق اۋدانى تۇرعىندارىمەن كەزدەسۋ بارىسىندا اپاتتى جاعدايداعى اعاشتاردى كەسۋ ەرەجەسىن ءتۇسىندىردى، دەپ حابارلايدى aqshamnews.kz
«قالا تۇرعىندارىنا اعاشتاردى كەسۋ مەن الىپ تاستاۋ ماسەلەسى ءاردايىم كوپ سۇراق تۋعىزاتىنىن تۇسىندىرگىم كەلەدى. بىرەۋلەر قولدايدى، بىرەۋلەر قارسى. سوندىقتان ءبىز وسىنداي شارالاردىڭ نە ءۇشىن قابىلدانعانىن بارلىعى ءتۇسىنۋى ءۇشىن ەگجەي-تەگجەيلى زەرتتەۋ جۇرگىزەمىز. اكىمدىك ساۋ اعاشتاردى كەسىپ جاتىر دەگەن تەرىس پىكىرلەر دە بولدى. مۇنىڭ بارلىعى جاڭا ەرەجەدە ەسكەرىلدى. مەن وتكەن جىلدان بەرى تۇسكەن وتىنىشتەردى ءبىرىنشى كەزەكتە قاراستىرۋدى سۇرادىم. جەر كەپكەن بويدا جۇمىستار باستالادى»، – دەدى ەربولات دوسايەۆ.
قالا باسشىسىنىڭ تاپسىرماسىمەن كەزدەسۋدە تۇرعىننىڭ اپاتتى جاعدايداعى اعاشتاردى كەسۋ ماسەلەسىنە قاتىستى ءوتىنىشى ناۋرىز ايىنىڭ سوڭىنا دەيىن ورىندالادى. جالپى، بيىل اۋدان بويىنشا 2 مىڭ اپاتتى جاعدايداعى اعاشتى كەسۋ جوسپارلانعان.
«تازا قازاقستان» رەسپۋبليكالىق باعدارلاماسى جانە «الماتى – ءبىزدىڭ ورتاق ءۇيىمىز» قالالىق ناۋقانى اياسىندا قالاداعى قوعامدىق كەڭىستىكتەردى كوگالداندىرۋ قارقىندى جالعاسۋدا. 2030 جىلعا دەيىن 2،5 ميلليون جاسىل جەلەك وتىرعىزۋ بويىنشا جول كارتاسى بەكىتىلگەن.
بيىلدان باستاپ الماتى اكىمدىگى اعاش وتىرعىزۋدا ءىرى كولەمدى كوشەتتەردى جاپپاي قولداناتىن بولادى. وسىلايشا، 4 مەتردەن 6 مەتردەن جوعارى 27 مىڭ كوشەت وتىرعىزۋ جوسپارلانعان.
كورىكتەندىرۋ شاراسىنىڭ ماڭىزدى كەزەڭىنىڭ ءبىرى – قاراسۋ شاعىن اۋدانىنداعى سكۆەرگە ءىرى كولەمدى اعاشتار وتىرعىزۋ بولدى. مۇندا بيىكتىگى 6 مەترلىك قاراعايلار پايدا بولدى.