ق ر دسم «وڭىرلەردە مەديسينا كادرلارىنىڭ تاپشىلىعىن تومەندەتۋ بويىنشا قابىلدانىپ جاتقان شارالار تۋرالى» جول كارتاسىن، سونداي-اق «الماتى قالاسىندا مەديسينا كادرلارىنىڭ تاپشىلىعىن تومەندەتۋ بويىنشا قابىلدانىپ جاتقان شارالار تۋرالى» جول كارتاسىن ىسكە اسىرۋ ماقساتىندا 2021 جىلدان باستاپ الماتى قالاسىنىڭ اكىمدىگى تالاپ ەتىلەتىن كلينيكالىق ماماندىقتار بويىنشا دارىگەرلەردى رەزيدەنتۋرادا وقىتۋعا قارجى ءبولىپ كەلەدى، دەپ حابارلايدى اlmaty-akshamy.kz.
قازىرگى ۋاقىتتا 2021 جىلى وقۋعا تۇسكەن 108 مامان رەزيدەنتۋرادا وقۋىن جالعاستىرۋدا. 2022 جىلى 120 رەزيدەنتتى اسا تاپشى دارىگەرلىك ماماندىقتار بويىنشا وقىتۋعا جەرگىلىكتى بيۋدجەتتەن 2-3 وقۋ جىلىنىڭ ۇزاقتىعىنا وراي قارجى ءبولىندى. ماماندىقتار بويىنشا گرانتتاردىڭ ەڭ كوپ سانى رەزيدەنتۋراعا انەستەزيولوگيا جانە رەانيماتولوگيا (2021 جىلى – 35 ورىن، 2022 جىلى – 10 ورىن)، جۇقپالى اۋرۋلار (2021 جىلى – 15 ورىن، 2022 جىلى – 8 ورىن)، پەدياتريا (2021 جىلى – 6 ورىن، 2022 جىلى – 8 ورىن)، وفتالمولوگيا بويىنشا ءبولىندى (2021 جىلى – 6 ورىن، 2022 جىلى – 11 ورىن).
2023 جىلعا قاجەتتى ماماندىقتار بويىنشا رەزيدەنتۋراعا 130 گرانت جانە «ەپيدەميولوگيا» ماماندىعى بويىنشا ماگيستراتۋرادا 10 ورىن وقىتۋ جوسپارلانعان.
اعىمداعى جىلدىڭ 24 تامىزىندا رەزيدەنتتەردى دايارلاۋعا مەملەكەتتىك ءبىلىم بەرۋ تاپسىرىسىن قالىپتاستىرۋ، ءبولۋ جانە ورنالاستىرۋ جونىندەگى كونكۋرستىق كوميسسيانىڭ وتىرىسى وتكىزىلدى. بەكىتىلگەن قاعيداعا سايكەس، كونكۋرستىق كوميسسيانىڭ قۇرامى الماتى قالاسى اكىمىنىڭ وكىمىمەن بەكىتىلگەن جانە جەرگىلىكتى اتقارۋشى ورگاننىڭ قىزمەتكەرلەرىنەن، ازاماتتىق قوعام وكىلدەرىنەن تۇرادى.
الماتى اكىمدىگىنىڭ ءبىلىم بەرۋ گرانتىن تاعايىنداۋ كونكۋرسىنا قاتىسۋ ءۇشىن مەديسينالىق ۋنيۆەرسيتەتتەر ءتۇسۋ ەمتيحانى بويىنشا ەڭ جوعارى بالل جيناعان ۇمىتكەرلەردىڭ ءتىزىمىن بەرەدى. اعىمداعى جىلى كونكۋرسقا 284 ۇمىتكەر قاتىستى. كونكۋرستىق كوميسسيانىڭ شەشىمى بويىنشا الماتى اكىمدىگىنىڭ گرانتىنا 120 قاتىسۋشى يە بولدى.
ءبىلىم بەرۋ گرانتىنىڭ يەگەرىمەن الماتى قالاسىنىڭ مەديسينالىق ۇيىمدارىندا ءتيىستى ماماندىق بويىنشا 5 جىل جۇمىستى وتەۋ تۋرالى رەزيدەنتتىڭ مىندەتتەمە تارماعىمەن ءۇش جاقتى شارت جاسالادى.
رەزيدەنتتەر تىزىمىمەن تومەندەگى سىلتەمە ارقىلى تانىسا الاسىزدار