الماتىدا سپورتشىلاردىڭ اقشالاي قاراجاتىن 250 اەك-كە دەيىن، ياعني 923 مىڭ تەڭگەگە دەيىن ارتتىرۋ كوزدەلىپ وتىر.
ءتيىستى ۇسىنىستى قالالىق سپورت باسقارماسىنىڭ باسشىسى ەردەن حايرۋللين VIII شاقىرىلعان الماتى قالاسى ءماسليحاتىنىڭ كەزەكتەن تىس XII سەسسياسىندا دەپۋتات قاراشاش دجۋزەيەۆانىڭ سپورتشىلاردى اي سايىن شىعىن تولەمدەرىنىڭ مولشەرىن ارتتىرۋ تۋرالى سۇراعىنا جاۋاپ رەتىندە ايتتى، دەپ حابارلايدى اlmaty-akshamy.kz.
«ءسىز ۋاقتىلى ءارى وزەكتى تاقىرىپتى كوتەردىڭىز دەپ ويلايمىن. ءبىز بۇل ماسەلەنى سپورت قوعامىمەن بىرنەشە رەت تالقىلادىق. الماتى قالاسىنىڭ سپورتشىلارىن اي سايىنعى ۇستاۋ تولەمدەرىنىڭ قازىرگى مولشەرى 2017 جىلدان بەرى وزگەرمەگەنىن جانە ەلىمىزدىڭ باسقا وڭىرلەرىمەن سالىستىرعاندا بىرنەشە ەسە تومەن ەكەنىن اتاپ وتكىم كەلەدى»، - دەدى ەردەن حايرۋللين.
ونىڭ ايتۋىنشا، وليمپيادا، پاراليمپيادا جانە سۋردليمپيادا ويىندارىندا 1-ورىن ءۇشىن الماتى سپورتشىلارى 80 اەك مولشەرىندە بەلگىلەنگەن سومانى الادى، ال باسقا وڭىرلەردىڭ سپورتشىلارىنا وسىنداي جەتىستىگى ءۇشىن كەمىندە 2 ەسە جوعارى تولەم قاراستىرىلعان. استانادا - 250 اەك، شىمكەنتتە – 200 اەك، قاراعاندى وبلىسىندا – 347 اەك.
«الماتىدا بۇل سومانى ارتتىرۋ شاراسى ۋاقىتىلى جانە ءادىل»، - دەدى ەردەن حايرۋللين.