الماتى قالاسى اكىمىنىڭ ورىنباسارى بەيبىت شاحانوۆ قۇرىلىس نورمالارى بۇزىلىپ سالىنعان جانە ۇلەسكەرلەردىڭ قاراجاتىن تارتۋعا رۇقساتى جوق تۇرعىن ءۇي كەشەندەرىنەن باسپانا ساتىپ الۋ ماسەلەلەرى بويىنشا ازاماتتاردى جەكە قابىلدادى.
كەزدەسۋ بارىسىندا بەيبىت شاحانوۆ تۇرعىنداردىڭ وتىنىشتەرىن تىڭداپ، قالالىق باسقارمالار مەن قۇقىق قورعاۋ ورگاندارىنىڭ وكىلدەرىمەن بىرگە ءتۇسىندىرۋ جۇمىستارىن جۇرگىزدى.
قالا اكىمىنىڭ ورىنباسارى تۇرعىن ءۇي ساتىپ الۋ كەزىندە قۇرىلىس سالۋشىدان بارلىق رۇقسات قۇجاتتارىنىڭ تولىق توپتاماسىن تالاپ ەتۋ اسا ماڭىزدى ەكەنىن اتاپ ءوتتى. ونىڭ ىشىندە قازاقستان تۇرعىن ءۇي كومپانياسىنىڭ كەپىلدىگى نەمەسە «تۇرعىن ءۇي قۇرىلىسىنا ۇلەستىك قاتىسۋ تۋرالى» زاڭعا سايكەس ۇلەسكەرلەردىڭ قاراجاتىن تارتۋعا اكىمدىكتىڭ رەسمي رۇقساتى بولۋى قاجەت.
سونىمەن قاتار، اكىمدىك تۇراقتى نەگىزدە ساتىپ الۋعا ۇسىنىلمايتىن تۇرعىن ءۇي كەشەندەرىنىڭ ءتىزىمىن جاريالاپ وتىراتىنىن ايتتى جانە ازاماتتاردى جىلجىمايتىن مۇلىك الاردا بارىنشا ساق بولۋعا شاقىردى.
قۇجاتتاردىڭ بار-جوعىن الماتى قالاسى قالا قۇرىلىسىن باقىلاۋ باسقارماسىنىڭ +7 705 89 66 000 بايلانىس ءنومىرى ارقىلى تەكسەرۋگە بولادى.