الماتىنىڭ قالا قۇرىلىسىن باقىلاۋ باسقارماسىنىڭ حابارلاۋىنشا، مەدەۋ جولىنداعى كەرەي-جانىبەك حاندار كوشەسىندەگى اۋماقتا قۇرىلىس-مونتاجداۋ جۇمىستارىنىڭ باستالعانى تۋرالى حابارلاما تۇسكەن جوق، نىساننىڭ قۇرىلىسىنا جوبالاۋ الدىنداعى قۇجاتتامانى مەنشىك يەسى (جەكە تۇلعا) العان جوق، دەپ حابارلايدى Almaty-akshmy.kz
ۆيزۋالدى تەكسەرۋ بارىسىندا ۋچاسكەدە قۇرىلىس جۇرگىزىلمەگەنى راستالدى، ال «ورلوۆسكيە ءبانيدىڭ» جارناماسى بار باننەر جويىلدى.
ايتا كەتەيىك، سول اۋماقتاعى سالىنىپ بىتپەگەن نىسان الماتىنىڭ بۇرىن جاريالانعان قۇرىلىسى ۇزاققا سوزىلعان نىساندار تىزىمىنە ەنگىزىلگەن.
باسقارمادا قۇرىلىسى توقتاتىلعان نىساندا زاڭ بۇزۋشىلىقتار انىقتالعان جانە نۇسقاما تالاپتارىن ەلەمەگەن جاعدايدا سوت تالقىلاۋىنان سوڭ كەزەكتى جوسپاردان تىس تەكسەرۋ جۇرگىزىلەتىنى ايتىلدى.
بۇرىن مەنشىك يەسى ۇسىنعان اقپاراتقا سايكەس، جوسپاردان تىس تەكسەرۋ بارىسىندا بەرىلگەن نۇسقاما تولىقتاي ورىندالماعان.