الماتى اكىمدىگىنىڭ قىزمەتكەرلەرى «قازاقستان حالقىنا» قورىنا ءبىر كۇندىك جالاقىسىن اۋداردى. بۇل تۋرالى الماتىنىڭ تىنىس-تىرشىلىگىن قالپىنا كەلتىرۋ جونىندەگى قالالىق شتابتىڭ وتىرىسىندا قالا اكىمى باقىتجان ساعىنتايەۆ ايتتى، دەپ حابارلايدى Almaty-akshamy.kz.
«مەملەكەت باسشىسى قاسىم-جومارت توقايەۆتىڭ 11 قاڭتاردا قازاقستان رەسپۋبليكاسىنىڭ پارلامەنتى ءماجiلiءسى وتىرىسىندا بەرگەن تاپسىرماسىن ورىنداۋ اياسىندا «قازاقستان حالقىنا» قورى قۇرىلىپ، قور باسشىسى تاعايىندالدى. وسىعان بايلانىستى الماتى قالاسى اكىمدىگى قىزمەتكەرلەرى «قازاقستان حالقىنا» قورىنا ءبىر كۇندىك جالاقىسىن اۋدارۋعا شەشىم قابىلدادى»، – دەدى قالا اكىمى.
الماتىنىڭ تىنىس-تىرشىلىگىن قالپىنا كەلتىرۋ جونىندەگى قالالىق شتابتىڭ وتىرىسىن تومەندەگى سىلتەمەدەن كورە الاسىزدار.