مەگاپوليستىڭ بىرنەشە شاعىن اۋدانى ءبىر اپتاعا جۋىق سۋسىز قالعان. قالا اكىمشىلىگى تۇرعىنداردى سۋمەن قامتاماسىز ەتۋگە مىندەتتى كومپانيانىڭ سوت ارقىلى جاۋاپقا تارتىلاتىنىن ءمالىم ەتتى، دەپ حابارلايدى اlmaty-akshamy.kz.
«ۆودسناب گپۆ» ج ش س (بۇرىنعى «ورحان» ج ش س) - «اسقارتاۋ»، «ەرمەنساي»، «اقتوبە» شاعىن اۋداندارىنىڭ، «رەميزوۆكا» باۋ-باقشا سەرىكتەستىگى، «درۋجبا» باۋ-باقشا سەرىكتەستىگى، «كۋرورتنوە» باۋ-باقشا سەرىكتەستىگى جانە «رەميزوۆكا»، «ساكۋرا»، «ديناستيا» سىندى ءىرى تۇك تۇرعىندارى ءۇشىن باستى سۋ جەتكىزۋشى.
17 مامىر كۇنى اتالمىش كومپانيانىڭ جەكە مەنشىگىندەگى سۋمەن جابدىقتاۋ قۇبىرى جارىلعان. توتەنشە جاعداي 18 مامىردا جويىلىپ، ءبىراق سول كۇنى سورعى ستانسياسى ىستەن شىققان. 19 مامىردا سورعى قالپىنا كەلتىرىلسە دە، ونىڭ قۋاتتىلىعىنىڭ تومەندىگىنە بايلانىستى سۋمەن قالىپتى جابدىقتاۋ مۇمكىن بولمادى. قالا اكىمدىگىنىڭ ارالاسۋىنان كەيىن تۇرعىنداردى سۋمەن قالىپتى قامتاماسىز ەتۋ ءۇشىن «ۆودسناب گپۆ» ج ش س باسقا سورعىنى ساتىپ الىپ، ورناتادى. ءبىراق تۇرعىنداردىڭ ءبىر مەزەتتە سۋ الۋىنا بايلانىستى سۋ قىسىمى تومەندەپ كەتكەن.
الماتى قالاسى اكىمدىگىنىڭ باسپا ءسوز قىزمەتىنىڭ حابارلاۋىنشا، بۇل اۋماق وبلىستان قالاعا قوسىلعانعا دەيىن دە وندا سۋ ماسەلەسى بولعان.
- اۋداننىڭ وڭتۇستىك بولىگى ءبىر كەزدەرى الماتى وبلىسىنىڭ اۋماعى بولعان. قالاعا قوسىلۋىمەن قوردالانعان ماسەلەلەر، سونىڭ ىشىندە سۋمەن جابدىقتاۋ تۇيتكىلى دە ءباز-باياعىشا قالدى. «ۆودسناب گپۆ» ج ش س ءال-فارابي داڭعىلىنداعى شجق «الماتى سۋ» مكك قالالىق جەلىلەرىنە قوسىلعان جانە سۋ بەرۋ ءۇشىن ءوز سورعىلارىن پايدالانادى. سورعىلار ءجيى ىستەن شىعادى، ويتكەنى كومپانيا جابدىقتار مەن جەلىلەردى قايتا قۇرۋعا اقشا شىعارمايدى. ينجەنەرلىك جەلىلەردى سالۋ كەزىندە «ۆودسناب گپۆ» ج ش س قۇرىلىس نورمالارىن بۇزدى: توسەۋ تەرەڭدىگى تومەندەتىلگەسىن (1.0 مەتردەن از) قىستا سۋ قۇبىرى قاتىپ قالدى. سونىمەن قاتار قۇبىرلاردىڭ گيدرويزولياسياسى جوق، سۋ قۇبىرى مەن كارىز ءبىر ترانشەيادا ەلەكتر جەلىلەرىمەن قيىلىسادى، جەلىلەردى باقىلاۋ سحەمالارى جوق، بەكىتۋ ارماتۋرالارى اقاۋلى كۇيدە تۇر، - دەپ حابارلادى اكىمدىكتىڭ باسپا ءسوز