الماتى قالاسىنىڭ 3 جىلدىق بيۋدجەتى بەكىتىلگەن قالالىق ءماسليحاتتىڭ كەزەكتەن تىس سەسسياسى بارىسىندا مەگاپوليس اكىمى ەربولات دوسايەۆ كەلەسى جىلعا جوسپارلانعان كولىك ينفراقۇرىلىمىن دامىتۋ جونىندەگى نەگىزگى جوبالار تۋرالى ايتىپ بەردى.
«ءبىز قوعامدىق كولىك ساپاسىن دامىتۋعا باسا نازار اۋدارا وتىرىپ، الماتى قالاسىنىڭ كولىك قاڭقاسىن (كاركاسىن) قالىپتاستىرۋدى جالعاستىرۋدامىز. 2025 جىلى ءۇاااج راديالدى جولداردى سالۋ ءۇشىن اباي داڭعىلى مەن ساين كوشەسىن ۇزارتۋ اياقتالادى، سونداي-اق تىلەندييەۆ جانە سولتۇستىك اينالما كوشەلەرىن ۇزارتۋ باستالادى. جالپى، كولىك قاڭقاسىن قالىپتاستىرۋدى جالعاستىرۋ جانە راديالدى جولداردى ۇزارتۋ ءۇشىن كەلەسى جىلعا 34 ملرد. تەڭگە ءبولىندى» - دەدى ەربولات دوسايەۆ.
قالا باسشىسى قوعامدىق كولىكتەردىڭ ساپاسىن ارتتىرۋ ءۇشىن بيىل 600 گازبەن جۇرەتىن جانە 100 ەلەكتروبۋس ساتىپ الىنعانىن اتاپ ءوتتى، بۇل قوعامدىق كولىكتىڭ ورتاشا پايدالانۋ مەرزىمىن 6 جىلدان 2،5 جىلعا دەيىن تومەندەتۋگە، قالا تۇرعىندارىنىڭ ساپارلارىنىڭ جايلىلىعى مەن ەكولوگيالىق تازالىعىن جاقسارتۋعا مۇمكىندىك بەردى. سونداي - اق، اعىمداعى جىلى تروللەيبۋس پاركىن 100% جاڭارتۋ اياقتالدى-بۇل 212 تروللەيبۋس. سونىمەن قاتار، 2025 جىلى قوسىمشا 600 گازبەن جۇرەتىن اۆتوبۋس پەن 200 ەلەكتر اۆتوبۋسى ساتىپ الىنادى.
«2025 جىلى الماتى اكىمدىگى جەلتوقسان كوشەسى بويىنشا BRT جەلىسىن سالۋدى جالعاستىرۋ، 100 جاڭا ەلەكتر اۆتوبۋستارىن ساتىپ الۋ جانە تروللەيبۋستارعا ارنالعان 10 تارتقىش قوسالقى ستانسيالاردى جاڭارتۋ سياقتى جوبالاردى ىسكە اسىرۋ ءۇشىن العاش رەت «جاسىل» وبليگاسيالار شىعارۋدى جوسپارلاپ وتىر. مەملەكەت باسشىسىنىڭ تاپسىرماسى بويىنشا ءبىز باتىس باعىتتاعى قولدانىستاعى مەترو جەلىسىن «بارلىق» بازارىنا دەيىن كەڭەيتۋگە جانە شىعىس باعىتتا الماتى قالاسىنىڭ حالىقارالىق اۋەجايىنا دەيىن جاڭا جەلى سالۋ بويىنشا سىرتتان قارىز تارتۋ بويىنشا بەلسەندى جۇمىستار جۇرگىزىپ جاتىرمىز"، - دەدى ەربولات دوسايەۆ.