اۋا-رايى قولايلى بولعان كەزدە اسفالتتى توسەمدى تولىعىمەن قالپىنا كەلتىرۋ جوسپارلانۋدا
بۇگىن الماتى قالاسىنىڭ تۇركسىب اۋدانىنداعى توپچييەۆ كوشەسىندە جول توسەمى ىستەن شىققان. ماماندار ول جەرگە بارىپ، ارنايى تەكسەرگەن كەزدە وقيعانىڭ جاۋىن -شاشىننىڭ سالدارىنان جينالعان سۋدىڭ توپىراقتى شايىپ كەتۋىنەن ءارى قاردىڭ ەرۋىنەن بولعاندىعىن انىقتاعان. الايدا، قۇبىردان زاقىم تابىلماعان، ال سۋ بەرۋ شتاتتىق رەجيمدە جۇزەگە اسىرىلۋدا، دەپ حابارلايدى Almaty-akshamy.kz.
ەسكە سالساق، وسى ۋچاسكەدە 2021 جىلى "الۆيس" ج ش س كومپانياسى سۋ قۇبىرى جانە كارىز جەلىلەرىن سالۋ جۇمىستارىن اياقتاعان بولاتىن. كەپىلدىك مىندەتتەمەلەرى اياسىندا كومپانيا اقاۋلاردى، وزگە دە كەمشىلىكتەردى جويۋلارى ءتيىس بولاتىن.
باسقارمانىڭ اقپاراتى بويىنشا، جاعىمسىز وقيعادان كەيىن ءبىر كۇن ىشىندە "الۆيس" ج ش س كومپانياسى ورىن العان ولقىلىقتاردى قالپىنا كەلتىردى. وسى جىلدىڭ ءساۋىر ايىندا اۋا رايى قولايلى بولعان كەزدە اسفالتتى توسەمدى تولىعىمەن قالپىنا كەلتىرۋ جوسپارلانۋدا.