«تازا قازاقستان» باعدارلاماسى اياسىندا الماتىدا بەلگىلەنگەن مەرزىمنەن بۇرىن قالانىڭ جول ينفراقۇرىلىمىن رەتكە كەلتىرۋ جۇمىستارى باستالدى. قالالىق موبيلدىلىك باسقارماسى ماگيسترالدىق كوشەلەردە جولداردا اپاتتى جاعدايلاردىڭ الدىن الۋ ماقساتىندا قىستا پايدا بولعان شۇڭقىرلاردىڭ جويىلاتىنىن حابارلادى.
«اسفالتبەتون زاۋىتى مەرزىمىنەن بۇرىن ىسكە قوسىلدى، ول پيلوتتىق رەجيمدە اۋا تەمپەراتۋراسى مينۋس -5 گرادۋسقا دەيىن تومەندەگەن كەزدە اسفالتبەتون قوسپاسىن تىعىزداۋدى قامتاماسىز ەتۋگە مۇمكىندىك بەرەتىن ەنەرگيا ۇنەمدەيتىن قوسپالارى بار «جىلى اسفالت» بەرەتىن بولادى. بۇعان دەيىن ق ر كولىك مينيسترلىگى حابارلاعانداي، بۇل تەحنولوگيانى قازاقستاندىق جول عىلىمي-زەرتتەۋ ينستيتۋتى (قازجولعزي) ازىرلەپ، رەسپۋبليكالىق ماڭىزى بار اۆتوجولدا سىناپ كوردى»، - دەپ اتاپ ءوتتى باسقارما.
قالالىق موبيلدىلىك باسقارماسى جۇمىس كەزەڭىندە قوزعالىسقا ەشقانداي شەكتەۋلەر بولجانبايتىنىن اتاپ ءوتتى. سونىمەن قاتار، كوشە-جول جەلىسىن اعىمداعى جوندەۋ بويىنشا نەگىزگى جۇمىستاردى اۋدان اكىمدىكتەرى مەن قمب كوكتەمگى-جازعى كەزەڭدە جۇرگىزەتىن بولادى.
ەستەرىڭىزگە سالا كەتەيىك، اعىمداعى جىلى قالالىق موبيلدىلىك باسقارماسى جەلىسى بويىنشا 300 شاقىرىم جولدى ورتاشا جوندەۋ، 35 شاقىرىم جاڭا جول سالۋ، سەيفۋللين–جانسۇگىروۆ جولايرىعىن، رىسقۇلوۆتان موڭكە بيگە دەيىنگى سايىن كوشەسى مەن اباي داڭعىلىنىڭ قالا شەكاراسىنا دەيىنگى ارالىقتارىن ىسكە قوسۋ جوسپارلانعان. بۇل جۇمىستار ساپالى جولداردىڭ ۇلەسىن 2024 جىلعى 92% - دان 2025 جىلى 95% - عا دەيىن ۇلعايتۋعا مۇمكىندىك بەرەدى.