الماتى اكىمدىگى تۇركسىب اۋدانىنىنىڭ اۋماعىندا سۋمەن جابدىقتاۋ جەلىلەرىنىڭ قۇرىلىسى مەن اباتتاندىرۋدى ساپاسىز جۇرگىزگەن مەردىگەرلەردى سوتقا بەردى، دەپ حابارلايدى almaty-akshamy.kz
بەلگىلەنگەن كەستەنى ورىنداماعان مەردىگەرلەر زاڭ الدىندا جاۋاپ بەرەدى. الماتى اكىمى ەربولات دوسايەۆتىڭ تاپسىرماسى بويىنشا كوپقاباتتى «جاس قانات» تك قۇرىلىسىنا جاۋاپتى ۇيىمدار – «Hadid» جانە «پرومكومپلەكت» ب جشس-گە قاتىستى ءىس سوتتا قارالۋدا، «سك شاح» ج ش س قاتىستى تالاپ- ارىز ازىرلەنۋدە، اتالعان مەردىگەرلىك ۇيىم تۇرعىن كەشەنىنىڭ اينالاسىن اباتتاندىرادى. اكىمدىك اتقارىلماعان جۇمىستاردىڭ وتەمىن قايتارۋدى جانە ولاردى مەملەكەتتىك ساتىپ الۋ مەرزىمدەرىن بۇزعانى ءارى جۇمىستاردى ساپراسىز اتقارعاندارى ءۇشىن جاۋاپسىز دەپ تانۋدى تالاپ ەتەدى.
ءقازىر «جاس قانات» كوپپاتەرلى تۇرعىن كەشەنىندەگى 41 ءۇيدىڭ 30-ى پايدالانۋعا بەرىلدى، تاعى 11 مەردىگەر ۇيلەردى كەزەڭ-كەزەڭىمەن تاپسىرۋدى جوسپارلاۋدا. ولاردىڭ بەلگىلەنگەن كەستەدەن ارتتا قالۋىنا تۋرا 1 جىل تولدى.
كورشى شاعىن اۋداندارداعى ينجەنەرلىك كوممۋنيكاسيالارعا جاۋاپتى مەردىگەرلەرمەن اكىمدىك اراسىنداعى ارا-قاتىناس تا سوت ارقىلى شەشىلەتىن بولادى. «جاس قانات» ش/ا سۋ قۇبىرى مەن كارىز سالۋ ءۇشىن ءتيىستى قارجىنى العان «جاسىل ەل قۇرىلىس» ۇيىمى جوسىقسىز دەپ تانىلدى. اكىمدىك «كومپانيا نۋراي سترويدى» سوتقا بەرۋ ءۇشىن تالاپ- ارىز دايىنداۋدا. مەردىگەر «نۇرشاشكان» ش/ا كوممۋنيكاسيالارمەن اينالىسقان. ايىنا 30-دان استام اپاتتار، اسفالتبەتون جابىنىنداعى كەلەڭسىزدىكتەر كومپانيانىڭ جۇمىستى ساپاسىز اتقارعانىن ايعاقتايدى. الماتى اكىمى قۇرىلىس نىساندارىن ارالاۋ بارىسىندا ساپاسى تومەن ماتەريالداردى پايدالانۋعا، جۇمىسقا نەمكەتتى قاراۋعا بولمايتىندىعىنا ءجىتى نازار اۋداردى: قالادا ءوز مىندەتتەرىنە جاۋاپسىز قاراعان مەردىگەرلەرمەن كەلىسىم جاسالمايدى.
