الماتى قالاسى، الماتى جانە جەتىسۋ وبلىستارى بويىنشا قىلمىستىق-اتقارۋ جۇيەسى دەپارتامەنتىندە وسى دەپارتامەنت ارداگەرلەر كەڭەسىنىڭ ۇيىمداستىرۋىمەن ءىىم م.ەسبولاتوۆ اتىنداعى الماتى اكادەمياسىنىڭ ماماندارى مەن ارداگەرلەرى ادەپ تاقىرىبىندا لەكسيا-سەمينار وتكىزدى، دەپ حابارلايدى Almaty-akshamy.kz.
Polisia.kzء-تىڭ حابارلاۋىنشا، بءىرىنشى سەمينارعا زارەچنىي اۋىلىندا ورنالاسقان مەكەمەلەردىڭ جەكە قۇرامى قاتىسىپ، قاجد باستىعىنىڭ ورىنباسارى ج.قوسجانوۆ لەكسيا- سەمينار تاقىرىبىنىڭ ماڭىزى تۋرالى اتاپ ءوتتى. الماتى قالاسىندا وتكەن سەمينار كەزىندە قاجد باستىعىنىڭ ورىنباسارى ءا.جۇمادييەۆ قىلمىستىق-اتقارۋ جۇيەسى قىزمەتكەرلەرىنىڭ انتقا ادال بولۋدىڭ، قوعام مەن مەملەكەت الدىنداعى جەكە جاۋاپكەرشىلىگىن تەرەڭ ۇعىنۋدىڭ ادەپسىز مىنەز-قۇلىقتىڭ الدىن الاتىنىن تىلگە تيەك ەتتى.
«قىزمەتتىك ادەپ ستاندارتتارى قۇقىق قورعاۋ ورگاندارىنىڭ بارلىق قىزمەتكەرلەرى ءۇشىن مىندەتتى. وفيسەرلىك ار-نامىستى بيىك ۇستاۋ، قىزمەتتىك مىندەتكە ادال بولۋ قازاقستان پوليسياسىنىڭ بەدەلىن كوتەرۋگە ىقپال ەتەدى. ءقازىر حالىق پەن پوليسيا قىزمەتكەرلەرى اراسىندا اشىق ديالوگ ورناتۋعا باسا كوڭىل بولىنۋدە. بۇل ورايدا قىلمىستىق-اتقارۋ جۇيەسى قىزمەتكەرلەرىنە دە جۇكتەلەتىن مىندەت زور»، – دەدى ءوز سوزىندە ارداگەرلەر كەڭەسىنىڭ ءتوراعاسى ە.ساعالبايەۆ.
سونداي-اق دەپارتامەنت جەكە قۇرامى جانە پروباسيالىق قىزمەت ماماندارىنا الماتى اكادەمياسىنىڭ ماماندارى، زاڭ عىلىمدارىنىڭ كانديداتى ە.ابىلەزوۆ جانە پروفەسسور ا.حالمەنوۆ قۇقىق قورعاۋ قىزمەتىنىڭ بەدەلىن ارتتىرۋعا، ازاماتتاردىڭ مەملەكەتكە دەگەن سەنىمىن نىعايتۋعا ىقپال ەتەتىن ادەپتىلىك تاقىرىبىندا لەكسيا وقىدى.