الماتى اكادەمياسىندا م.ەسبولاتوۆ اۋديتورياسى اشىلدى.
ق ر ءىىم ماقان ەسبولاتوۆ اتىنداعى الماتى اكادەمياسىندا قازاقستان رەسپۋبليكاسى كونستيتۋسيا كۇنى قارساڭىندا قازاقستان رەسپۋبليكاسىنىڭ كورنەكتى مەملەكەت قايراتكەرى، كسرو جانە قازاقستان رەسپۋبليكاسى ءىىم ەڭبەك سىڭىرگەن قىزمەتكەرى، ميليسيا گەنەرال-مايورى ماقان ەسبولاتوۆ اتىنداعى اۋديتوريانىڭ اشىلۋ سالتاناتى ءوتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
اۋديتوريانىڭ لەنتاسىن اكادەميا باسشىسى ايدار سايتبەكوۆ پەن گەنەرالدىڭ قىزى، وتستاۆكاداعى پولكوۆنيك راۋشان ماقان قىزى ەسبولاتوۆا قيدى. سالتاناتتى جيىندا گەنەرالدار كەڭەسى مەن ارداگەرلەر كەڭەسىنىڭ وكىلدەرى قۇتتىقتاۋ ءسوز سويلەپ، ەستەلىكتەرمەن ءبولىستى.
جينالعاندار ماقان ەسبولاتوۆتىڭ ءومىر جولى مەن كىشى لەيتەناتتان ميليسيا گەنەرال-مايورىنا دەيىنگى جانە قاتارداعى قىزمەتكەردەن قازاق كسر ىشكى ىستەر مينيسترىنە دەيىنگى ەڭبەك جولىن باياندايتىن ستەندتەرمەن تانىستى. سونداي-اق، اۋديتوريادان گەنەرال-مايور م.ەسبولاتوۆتىڭ جەكە زاتتارى مەن مەملەكەتتىك جانە ۆەدومستۆولىق ناگرادالارى دا ورىن الدى.
م.ەسبولاتوۆ ىشكى ىستەر ورگاندارىنىڭ بەدەلىن ارتتىرۋعا زور ۇلەس قوسقان تۇلعا. ول مينيستر بولىپ تۇرعان كەزدە ىشكى ىستەر ورگاندارىنىڭ ماتەريالدىق-تەحنيكالىق بازاسىن نىعايتۋعا كوپ كوڭىل ءبولىندى، ءىىم اقپاراتتىق-ەسەپتەۋ ورتالىعى سالىندى، الماتىدا العاش رەت ەەم قولدانۋمەن كوشە قوزعالىسىن باسقارۋدىڭ اۆتوماتتاندىرىلعان جۇيەسى ەنگىزىلدى جانە وبلىستىق ىشكى ىستەر باسقارمالارىندا شتابتار، الدىن الۋ قىزمەتتەرى مەن كەزەكشى بولىمدەر قۇرىلدى.
بۇكىل رەسپۋبليكا بويىنشا قوعامدىق ءتارتىپتىڭ تىرەك پۋنكتتەرى، ەرىكتى حالىق جاساقتارى، جەدەل وتريادتار ۇيىمداستىرىلدى.م.ە. ەسبولاتوۆ كسرو ءىىم الماتى ارنايى ميليسيا ورتا مەكتەبىن (قازىرگى اكادەميا) 12 جىل باسقارىپ، وقۋ-ماتەريالدىق بازاسىن قايتا جاڭارتتى. ونىڭ باسشىلىعىمەن جاڭا وقۋ كورپۋسى، جاتاقحانا، اكت زالى جانە اسحانا سالىندى، جىلىجاي شارۋاشىلىعى قۇرىلدى. وسىنىڭ بارلىعى 1991 جىلدىڭ شىلدەسىندە ورتا وقۋ ورنىن ق ر ءىىم الماتى جوعارى مەكتەبى ەتىپ قايتا قۇرۋعا مۇمكىندىك بەردى، ونىڭ ءبىرىنشى باستىعى بولىپ م. ە. ەسبولاتوۆ تاعايىندالدى.