باحتيار بازاربەكوۆ جاستارمەن وزەكتى ماسەلەلەردى تالقىعا سالدى
«ىزگىلىك ەلشىسى» ەرىكتىلەر قوزعالىسى قوعام قايراتكەرى، رەجيسسەر باحتيار بازاربەكوۆپەن كەزدەستى. اتالعان شارا «الماتى – ادالدىق الاڭى» جوباسىنىڭ اياسىندا ءوتتى، دەپ حابارلايدى Almaty-akshamy.kz.
وعان ونلاين فورماتتا 150-دەن استام ەرىكتىلەر مەن جاستار ۇيىمدارىنىڭ وكىلدەرى قاتىستى. كەزدەسۋ بارىسىندا سىبايلاس جەمقورلىققا قارسى مادەنيەت ماسەلەلەرى جانە ونىڭ ءبىزدىڭ قوعام ءۇشىن قانشالىقتى ماڭىزى بار ەكەندىگى تالقىلاندى. سپيكەر سىبايلاس جەمقورلىققا جالپى قوعام تاراپىنان توزبەۋدىڭ جاعدايىن جاساۋ، شىنايىلىق پرينسيپتەرىن ۇعىندىرۋ، ادالدىق، باۋىرمالدىققا، وتانسۇيگىشتىككە تاربيەلەۋ تاقىرىپتارىن قوزعادى.
سونداي-اق، رەجيسسەر شىعارماشىلىق جانە جەمقورلىققا قاتىستى ءوزىنىڭ ويىن ايتتى. جاستار تاربيەسىنە ءمان بەرۋدىڭ ماڭىزدىلىعىنا توقتالدى، ويتكەنى، ونىڭ ايتۋىنشا، ەلىمىزدىڭ بولاشاعى جاستاردىڭ قولىندا.
كەزدەسۋدە الداعى ۋاقىتقا ارنالعان جوسپارلار دا ءسوز بولدى. رەجيسسەر مەن ۆولونتەرلەر اراسىنداعى بىرلەسىپ جۇمىس ىستەۋ ماسەلەسى دە ايتىلدى. بۇل جيىنعا قاتىسقاندار ءتۇرلى الەۋمەتتىك بەينەروليكتەر مەن باسقا دا جوبالاردى قۇرۋ ءۇشىن بىرلەسىپ جۇمىس اتقارۋعا كەلىستى.