ءبىرجولا باپكەرلىككە كەتتى
كۇرەستەن الەم چەمپيوناتىنىڭ بىرنەشە دۇركىن جۇلدەگەرى المات كەبىسپايەۆ گرەك-ريم كۇرەسىنەن قازاقستان جاسوسپىرىمدەر كومانداسىنىڭ اعا جاتتىقتىرۋشىسى اتاندى، دەپ حابارلايدى Almaty-akshamy.kz Olympic.kz-كە سىلتەمە جاساپ.
2010 جىلدان بەرى الەمدىك جارىستاردا ەل نامىسىن ابىرويمەن قورعاعان بالۋان ەندى شاكىرت تاربيەلەۋگە كىرىسپەكشى.
«باسشىلىقتىڭ شەشىمىمەن وسى مىندەتتى اتقارماقپىن. ءبىرجولا باپكەرلىككە كەتتىم دەسە دە بولادى. وسى جىلدار ارالىعىندا جيناعان مول تاجىريبەمدى ارتىمىزدان ەرگەن جاستارعا ۇيرەتكىم كەلەدى. بۇيىرسا، وسى ءىستى قولعا الىپ جاتىرمىن. الدا ۇلكەن جۇمىس كۇتىپ تۇرعانى راس. ءبىراق قايتادان كىلەمنەن كورىپ قالساڭىزدار دا، تاڭ قالماڭىزدار (كۇلدى)»، - دەدى كەبىسپايەۆ.
ايتا كەتەلىك، المات كەبىسپايەۆ لوندون جانە ريو وليمپيادالارىنىڭ قاتىسۋشىسى. 2021 جىلى وسلودا وتكەن الەم چەمپيوناتىنىڭ قولا جۇلدەگەرى.