تۇرعىنداردىڭ تىلەكتەرىن ەسكەرە وتىرىپ، اكىمدىك بىلتىر 2 اۆتوبۋس مارشرۋتىنىڭ قوزعالىس سىزباسىنا وزگەرىستەر ەنگىزدى، 10 جاڭا ايالداما جابدىقتالدى. قىركۇيەككە دەيىن تاعى 7 جاڭا ايالداما ورناتۋ جوسپارعا ەنگەن. بۇل تۋرالى قالا اكىمى ەربولات دوسايەۆتىڭ المالى اۋدانى تۇرعىندارىمەن كەزدەسۋىندە بەلگىلى بولدى، -دەپ حابارلايدى اlmaty-akshamy.kz
جىلجىمالى قۇرامدى جاڭارتۋ ماقساتىندا بيىل المالى اۋدانىنىڭ اۋماعىنان وتەتىن 18 مارشرۋتقا 309 جاڭا اۆتوبۋس ساتىپ الۋ جوسپاردا بار. ونىڭ ىشىندە "الماتىەلەكتروترانس" – 226 بىرلىك، جەكە مەنشىك تاسىمالداۋشىلار – 83 اۆتوبۋس ساتىپ الماق. №12، 30، 56، 80، 124، 59، 70، 77، 118، 32، 92، 37، 44، 99، 18، 19، 17، 13 مارشرۋتتارداعى اۆتوبۋستار جاڭارتىلادى.