ەربولات دوسايەۆ المالى اۋدانىنداعى سورعى ستانسياسىنىڭ جوندەۋ جۇمىستارىنىڭ بارىسىن تەكسەردى
الماتى اكىمى ەربولات دوسايەۆ المالى اۋدانىنا جۇمىس ساپارى بارىسىندا تولە بي – اۋەزوۆ - ايتەكە بي – ايتييەۆ كوشەلەرىنىڭ اۋماعىنداعى سورعى ستانسياسىن جوندەۋ جۇمىستارىنىڭ بارىسىمەن تانىستى.
40 جىل بۇرىن سالىنعان سورعى ستانسياسى 553-تەن استام ابونەنتتەردى سۋمەن قامتاماسىز ەتەدى. تۇرعىندار سۋدىڭ ءجيى اجىراتىلاتىنىنا ءجيى شاعىمداندى: 4 سورعىنىڭ 1ء-ى عانا جۇمىس ىستەيدى. اعىمداعى جىلى نىساندا 15 اپات ورىن الدى.
المالى اۋدانىنىڭ اكىمى ايدار جاقىبايەۆتىڭ ايتۋىنشا، سورعى ستانسياسىندا جوندەۋ جۇمىستارى 1997 جىلدان بەرى جۇرگىزىلمەگەن. 2018 جىلى نىسان يەسىز دەپ تانىلىپ، ەنەرگەتيكا جانە سۋمەن جابدىقتاۋ باسقارماسىنىڭ بالانسىنا بەرىلدى. قاناعاتتانعىسىز جاعدايى سالدارىنان سورعى ستانسياسى قىزمەت كورسەتۋ ءۇشىن "الماتى سۋ" مكك-عا بەرىلمەدى.
ەربولات دوسايەۆتىڭ تاپسىرماسى بويىنشا اعىمداعى جىلى سورعى ستانسياسىندا جوندەۋ جۇمىستارى باستالدى. بۇگىندە ەسكى جابدىق پەن شاتىردى بولشەكتەۋ اياقتالدى، شاتىر مەن ىرگەتاستى گيدرووقشاۋلاۋ جۇرگىزىلدى، سىرتقى وقشاۋلاۋ جانە قاسبەتتىڭ قاپتاماسى جاسالدى. اۋدان اكىمى قالپىنا كەلتىرۋ جۇمىستارى بارىسىندا سۋمەن جابدىقتاۋ تۇراقتى بولعانىن اتاپ ءوتتى.
قالا باسشىسى وسى اۋداندا ۇزدىكسىز سۋ بەرۋ ءۇشىن نىساندى مەرزىمىندە اياقتاۋدى تاپسىردى. "ءبىز نىساندى مودەرنيزاسيالاۋ اياقتالعانشا كۇتەمىز جانە ونى قالالىق جۇيەنىڭ ءبىر بولىگى رەتىندە قالا بالانسىنا الامىز"، - دەدى ەربولات دوسايەۆ.
قازىرگى ۋاقىتتا نىساندا جابدىقتاردى مونتاجداۋ جانە ەنەرگيامەن جابدىقتاۋ، اباتتاندىرۋ جۇمىستارى جالعاسۋدا. رەكونسترۋكسيالاۋدى اعىمداعى جىلدىڭ 15 جەلتوقسانىندا اياقتاۋ جوسپارلانۋدا. ماگيسترالدى جانە تاراتۋ جەلىلەرىن جۇرگىزە وتىرىپ، كارىز جانە سورعى ستانسياسىن جوندەۋ بويىنشا ۇقساس جۇمىستار "پانوراما" تك-دە دە جۇرگىزىلەدى . ولاردى اعىمداعى جىلدىڭ جەلتوقسان ايىنىڭ ورتاسىنا دەيىن اياقتاۋ جوسپارلانۋدا.
ارالاۋ بارىسىندا المالى اۋدانىنىڭ تۇرعىندارى قالا باسشىسىنا جاياۋ جۇرگىنشىلەر وتكەلى تۋرالى وتىنىشپەن جۇگىندى. ەربولات دوسايەۆ اۋدان اكىمىنە كەلەسى جىلى جەرگىلىكتى تۇرعىنداردىڭ قاۋىپسىزدىگى ءۇشىن رەتتەلەتىن وتكەل ورناتۋ مۇمكىندىگىن قاراستىرۋدى تاپسىردى. سونداي-اق، نۇرماقوۆ-قاراساي باتىر كوشەلەرىنىڭ قيىلىسىندا شلاگباۋم ورناتۋ، عيماراتتاردىڭ قاسبەتىن جوندەۋ جانە كولىك اعىندارىن رەتتەۋ ماسەلەلەرى قوزعالدى. ولاردىڭ بارلىعى بەيىندى ۆەدومستۆولاردىڭ باقىلاۋىنا الىندى.