S-Group جانە Sincere System Group ج ش س قارجى پيراميداسىنىڭ قىزمەتى تۋرالى ءىس سوتقا جىبەرىلدى.
شەتەلگە قاشىپ كەتكەن كۇششدىكتىلەرگە سىرتتاي "كۇزەتپەن ۇستاۋ" تۇرىندەگى بۇلتارتپاۋ شاراسى قولدانىلدى، دەپ حابارلايدى اlmaty-akshamy.kz.
قالالىق پروكۋراتۋرانىڭ مالىمەتىنشە، 23 اقپاندا المالى اۋدانىنىڭ سوتى ج. سانايەۆاعا، ت. كوۆاليەۆيچكە جانە ف. ايەشكە قاتىستى قىلمىستىق قۇقىقبۇزۋشىلىق جاساۋعا جاردەمدەسۋ، ناقتىراق ايتقاندا "Sincere System Group"، "S-Group" ج ش س قارجىلىق (ينۆەستيسيالىق) پيراميداسىن قۇرۋ فاكتىسى بويىنشا قىلمىستىق ءىستى قاراۋعا كىرىستى.
"تەرگەۋ ورگانى جوعارىدا اتالعان ادامدار، زاڭسىز ماتەريالدىق بايۋ ءۇشىن سالىمشىلاردى جاپپاي تارتۋ قاجەتتىگىن سەزىنە وتىرىپ، "WhatsApp" جانە "Telegram" الەۋمەتتىك جەلىلەرى ارقىلى ىسكە اسىرىلىپ جاتقان جالعان ينۆەستيسيالىق باعدارلامالار تۋرالى جالعان اقپارات تاراتۋدى جۇزەگە اسىرىپ، حالىقتىڭ باسىم كوپشىلىگىنە "S-Group" جوباسىنىڭ قىزمەتى تۋرالى جالعان اقپارات بەرگەنىن جانە الەۋەتتى سالىمشىلاردى اقشا قاراجاتىن سالۋ تۋرالى ۇگىتتەگەنىن انىقتادى"، - دەلىنگەن ۆەدومستۆو حابارلاماسىندا.
ق ر قارجى نارىعىن رەتتەۋ جانە دامىتۋ اگەنتتىگىنىڭ جاۋابىنا سايكەس "Sincere System Group" جشس-دا قارجى پيراميداسى قىزمەتىنىڭ بەلگىلەرى بار.
"كومپانيانىڭ قىزمەتى، باعدارلاماعا قاتىسۋشىنىڭ كىرىسىن باسقا قاتىسۋشىلاردى تارتۋ ارقىلى سالىمدار ەسەبىنەن قالىپتاستىرۋعا، قاتىسۋشىلاردى يەرارحيالىق قۇرىلىم بويىنشا تارتۋعا، نازار اۋدارۋ ماقساتىندا اۋقىمدى جارناماعا باعدارلانۋعا باعىتتالعانىن ەسكەرە وتىرىپ، بۇل قارجىلىق پيراميدا ەكەنىن اڭعارۋعا بولادى.باياندالعاندى ەسكەرە وتىرىپ، ق ر ازاماتتارىن جوعارىدا اتالعان كومپانيامەن كەز كەلگەن قارجىلىق ءوزارا ءىس-قيمىل جاساماۋدى ەسكەرتەمىز"، - دەپ ەسكەرتتى پروكۋراتۋرا وكىلدەرى.
سونىمەن قاتار ءىس ماتەريالدارىندا مەملەكەتتىك شەكارا اسقان، قىلمىستىق قۋدالاۋدان جاسىرىنىپ جۇرگەن ۆ. ماشۋروۆقا (ۋكراينا ازاماتى)، م.ن. اۆازوۆاعا جانە ر.ر. تاجبەنوۆكە قاتىستى ءىس بولەكتەلىنىپ الىندى. وسى ادامدارعا قاتىستى سىرتتاي "كۇزەتپەن ۇستاۋ" تۇرىندەگى بۇلتارتپاۋ شاراسى قولدانىلدى. سوتقا دەيىنگى تەرگەپ-تەكسەرۋ ماتەريالدارىنا سايكەس "Sincere System Group" قارجىلىق پيراميداسىنىڭ ۇيىمداستىرۋشىلارى رەتىندە ۆ. ماشۋروۆتىڭ، م. اۆازوۆانىڭ، ر. تاجبەنوۆتىڭ قاتىسى بار ەكەنى انىقتالدى.