الماتىدا 8 ءساۋىر كۇنى «الماتى - ءبىزدىڭ ورتاق ءۇيىمىز» ناۋقانى باستالدى. بۇل تۋرالى ءانشى الىشەر كارىموۆ Instagram پاراقشاسىندا جازدى.
https://www.instagram.com/alisher_k؟igsh=MW4zYmZiOTBtdG42ZA==
«8 ساۋىردەن 8 مامىرعا دەيىن جالپىقالالىق سەنبىلىكتەر، اعاش وتىرعىزۋ، جاعالاۋلاردى، سۋ ايدىندارىن، ساياباقتاردى، سكۆەرلەر مەن تاۋ بوكتەرىن تازارتۋ اپتالىعى ۇيىمداستىرىلادى. قالا تۇرعىندارى ەسكەرتكىشتەردى تازالاۋعا، اۋماق پەن مادەنيەت نىساندارىن تازالاۋعا قاتىسا الادى»، - دەدى ءانشى.
ونىڭ پىكىرىنشە، بۇل الماتى قالاسى اكىمدىگى قولعا العان يگى باستاما.
«ءقازىر سۋ تاسقىنىنان زارداپ شەكپەگەن ايماقتار مەن قالالاردى تازارتۋ مەن اباتتاندىرۋ ماڭىزدى ەكەنىن ءتۇسىنۋىمىز كەرەك. وسىلايشا، ءبىز تاعى دا ازاماتتىق ۇستانىمدى كورسەتىپ، ەلىمىز بەن قالامىزعا كومەكتەسەمىز»، - دەدى الىشەر كارىموۆ.
ەستەرىڭىزگە سالا كەتەيىك، 8 ساۋىردە «الماتى – ءبىزدىڭ ورتاق ءۇيىمىز» ناۋقانى باستالدى. ءاربىر تۇرعىن قالانىڭ دامىتۋ مەن كوركەيتۋگە ۇلەس قوسا الادى.
بارلىق اقپارات almaty.kz سايتى مەن الماتى اكىمدىگىنىڭ الەۋمەتتىك جەلىلەرىندەگى پاراقشالارىندا جاريالانادى. سونداي-اق، قالاداعى باننەر، پلاكات جانە افيشالارداعى ارنايى QR-كود ارقىلى ۆەب-سايتقا كىرۋگە بولادى.
ناۋقاننىڭ بەلسەندى قاتىسۋشىلارىنا ارنالعان الەۋمەتتىك جەلىدەگى حەشتەگتەر: #الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.