سوت ۇكىمىمەن كامەلەتكە تولماعان بالالارىن اسىراۋ ءۇشىن اليمەنت تولەۋ مىندەتىن ورىنداماعان 22 بورىشكەر قىلمىستىق جازاعا تارتىلدى، دەپ حابارلايدى aqshamnews.kz.
ولاردىڭ بارلىعى بۇدان بۇرىن اكىمشىلىك جاۋاپتىلىققا تارتىلعانىنا قاراماستان، شاراسىزدىق تانىتىپ، حالىقتى جۇمىسپەن قامتۋ ورتالىعى ۇسىنعان بوس جۇمىس ورىندارىنا ورنالاسۋدان باس تارتقان. سوت بورىشكەرلەردى قك-نىڭ 139-بابىمەن كوزدەلگەن قىلمىس جاساعانى ءۇشىن كىنالى دەپ تانىپ، وسى بويىنشا ولارعا 1 جىل مەرزىمگە باس بوستاندىعىن شەكتەۋ تۇرىندەگى جازا تاعايىنداعان. اعىمداعى جىلى اليمەنت تولەمەگەنى ءۇشىن 145 بورىشكەر 5 كۇنگە دەيىن اكىمشىلىك قاماققا جانە 78 بورىشكەر ايىپپۇل تولەۋ تۋرالى اكىمشىلىك جاۋاپتىلىققا تارتىلدى. سوت ورىنداۋشىلاردىڭ بورىشكەرلەردى بەلسەندى جاۋاپتىلىققا تارتۋىنا پروكۋرورلىق اكتىلەردىڭ ەنگىزىلۋى ءوز ۇلەسىن قوسۋدا.
جىل باسىنان اليمەنت ءوندىرۋ ءۇشىن زاڭدا قاراستىرىلعان اتقارۋشىلىق ارەكەتتەرىن جۇزەگە اسىرماعان 70 استام سوت ورىنداۋشىسى پروكۋرورلىق اكتىلەر نەگىزىندە تارتىپتىك جاۋاپتىلىققا تارتىلعان.
قالا پروكۋراتۋراسى اليمەنت تولەمەگەنى ءۇشىن اكىمشىلىك جانە 2 جىلعا دەيىن باس بوستاندىعىنان ايىرۋعا دەيىن قىلمىستىق جاۋاپتىلىق قاراستىرىلعانىن ەسكەرتەدى. بالالارعا قامقورلىق جاساۋ - اتا-انانىڭ ەتەنە مىندەتى!