«سامۇرىق-قازىنا» قورى قۇرامىنداعى 40 كاسىپورىن جەكەشەلەندىرىلەدى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
بۇل تۋرالى ق ر پرەمەر-مينيسترى ءاليحان سمايىلوۆ ق ر پرەزيدەنتى قاسىم-جومارت توقايەۆتىڭ ءىرى بيزنەس وكىلدەرىمەن كەزدەسۋىندە ايتتى.
«بيىل جانە كەلەسى جىلى "قازمۇنايگاز"، "ەير-استانا"، "قازاقگاز" سياقتى كومپانيالاردى IPO-عا شىعارۋ جوسپارلانىپ وتىر. جالپى، وسى كەزەڭدە «سامۇرىق-قازىنا» حولدينگىنىڭ شامامەن 40 كاسىپورىنىن جەكەشەلەندىرۋ جوسپاردا بار. ولاردىڭ ءتىزىمى جاقىن ارادا اشىق كوزدەردە جاريالانادى»، - دەدى ۇكىمەت باسشىسى.
پرەمەر-مينيستردىڭ ايتۋىنا قاراعاندا، پرەزيدەنت تاپسىرماسىنىڭ اياسىندا «سامۇرىق-قازىنا» قورىنىڭ تيىمدىلىگى مەن اشىقتىعىن ارتتىرۋ، وتاندىق بيزنەستى ۇزاق مەرزىمدى وففتەيك-كەلىسىمشارتتار ارقىلى قولداۋ شارالارىن قىزمەتىن رەفورمالاۋدىڭ جولدارى ازىرلەنىپ جاتىر.
«قور ەكونوميكانىڭ باسىم باعىتتاعى سالالارىنا مەملەكەت اتىنان جۇمىس ىستەيتىن سەرىكتەس رەتىندە جەكە ينۆەستيسيالاردى تارتۋعا ىقپال ەتەتىن بولادى»، - دەدى ءاليحان سمايىلوۆ.