جول-كولىك سالاسىن دامىتۋدىڭ وزەكتى ماسەلەلەرى تالقىلاندى
ق ر پرەمەر-مينيسترى ءاليحان سمايىلوۆ قىتايلىق "CITIC Construction" كورپوراسياسىنىڭ ءبىرىنشى ۆيسە-پرەزيدەنتى يان سزيانسيانمەن كەزدەستى، دەپ حابارلايدى Almaty-akshamy.kz ۇكىمەتتىڭ باسپا ءسوز قىزمەتىنە سىلتەمە جاساپ.
ءىرى اۆتوجول جوبالارىن ىسكە اسىرۋدىڭ، اتاپ ايتقاندا، قىتايلىق كومپانيا باس مەردىگەر بولىپ تابىلاتىن "تالدىقورعان – وسكەمەن" جانە "قاراعاندى – بالقاش" رەسپۋبليكالىق تراسسالارىن رەكونسترۋكسيالاۋدىڭ، سونداي-اق جالپى جول-كولىك سالاسىن دامىتۋدىڭ وزەكتى ماسەلەلەرى تالقىلاندى.
پرەمەر-مينيستر وسىنداي ماڭىزدى ينفراقۇرىلىمدىق جوبالاردى ۋاقىتىلى اياقتاۋ جانە بارلىق ۋچاسكەلەر بويىنشا جول قوزعالىسىن اشۋ قاجەتتىگىن اتاپ ءوتتى.
كەزدەسۋ قورىتىندىسى بويىنشا تاراپتار قازاقستان مەن جۇڭگو اراسىنداعى جوعارى ستراتەگيالىق ارىپتەستىك رۋحىندا بارلىق جۇمىستاردى تابىستى اياقتاۋ ءۇشىن تۋىندايتىن ماسەلەلەردى جەدەل شەشۋگە دايىن ەكەندىكتەرىن ءبىلدىردى.