پرەزيدەنت 2022 جىلعى 1 ماۋسىمدا الماتى اۋەجايىندا جاڭا حالىقارالىق تەرمينالدىڭ قۇرىلىسىن باستاۋعا رۇقسات بەردى.
پرەمەر-مينيستر ءاليحان سمايىلوۆ الماتىنىڭ الماتىنىڭ جاڭا اۋەجايى قۇرىلىسىن دەر ۋاقىتىندا اياقتاۋدى تاپسىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«الماتىدا جاڭا حالىقارالىق اۋەجاي تەرمينالىقن سالۋ بويىنشا ءىرى ينفراقۇرىلىمدىق جوبا جۇزەگە اسىرىلىپ جاتىر. مينيسترلىك اكىمدىكپەن جانە ينۆەستورمەن بىرگە جولاۋشىلار اعىنىن ارتتىرۋ، سونىمەن قاتار اۋە تاسىمالىنىڭ باعدار جەلىسىن كەڭەيتۋ ءۇشىن جوبانى دەر ۋاقىتىندا جۇزەگە اسىرۋ ءىس-شارالارىن قابىلداۋى قاجەت»، - دەدى ءاليحان سمايىلوۆ يندۋستريا جانە ينفراقۇرىلىمدىق دامۋ مينيسترلىگىنىڭ كەڭەيتىلگەن القا وتىرىسىندا.
سونىمەن قاتار پرەمەر-مينيستر استانا قالاسى اۋەجايىنىڭ ۇشۋ-قونۋ جولاعىن جاڭارتۋ ماسەلەسىنە دە نازار اۋدارتتى.
«بۇگىن تانىستىرىلىم بارىسىندا كوردىك. قاجەتتى قۇجاتتاردى دايىنداۋعا قاتىستى جۇمىستاردى باستاۋ كەرەك»، - دەدى ۇكىمەت باسشىسى.
ەسكە سالساق، پرەزيدەنت 2022 جىلعى 1 ماۋسىمدا الماتى اۋەجايىندا جاڭا حالىقارالىق تەرمينالدىڭ قۇرىلىسىن باستاۋعا رۇقسات بەردى.