الماتى اكىمدىگى ءبىلىم بەرۋ، دەنساۋلىق ساقتاۋ جانە سپورت شىعىندارى تۋرالى 2022 جىلعا ەسەپ بەردى، دەپ حابارلايدى almaty-akshamy.kz
2022 جىلى الماتىدا مەكتەپتەردە 18 مىڭنان استام جانە بالاباقشالاردا 7 مىڭنان استام ورىن پايدا بولدى، بۇل تۋرالى ءماسليحاتتىڭ VI سەسسياسىندا ەكونوميكا باسقارماسىنىڭ باسشىسى داستان ومىربايەۆ حابارلادى. جاڭا ءبىلىم بەرۋ مەكەمەلەرىنىڭ اشىلۋى وقۋشى ورىندارىنىڭ تاپشىلىعىن 36%-عا قىسقارتۋعا مۇمكىندىك بەردى.
الەۋمەتتىك ورنىقتىلىق پەن تۇراقتىلىق – مەگاپوليستى دامىتۋدىڭ باسىم باعىتىنىڭ ءبىرى. دەنساۋلىق ساقتاۋ سالاسىندا اۋرۋحانالار مەن ەمحانالاردى زاماناۋي مەديسينالىق جابدىقتارمەن جاراقتاندىرۋ ماسەلەلەرىنە ەرەكشە نازار اۋدارىلادى. 2022 جىلى وسى ماقساتتارعا 15،3 ملرد تەڭگە جۇمسالدى، 7 نىسان بويىنشا جوبالىق قۇجاتتاما ازىرلەندى. 3،5 مىڭنان استام مامان ءبىلىمىن جەتىلدىرۋ ءۇشىن بىلىكتىلىكتى ارتتىرۋ كۋرستارىنان ءوتتى.
مادەنيەت سالاسىندا 700-دەن استام ءىس-شارا وتكىزىلدى. ولارعا 1 ميلليونعا جۋىق ادام قاتىستى. 2022 جىلى 56 مىڭنان استام بالا تەگىن شىعارماشىلىق جانە سپورتتىق ۇيىرمەلەرمەن قامتىلدى.
بۇعان قوسا، الماتىدا جەتىسۋ اۋدانىنىڭ «كەمەل»، «قۇلاگەر» جانە «اينابۇلاق-2» ش/ا 3 دەنە شىنىقتىرۋ-ساۋىقتىرۋ كەشەنىنىڭ قۇرىلىسى اياقتالىپ، پايدالانۋعا بەرىلدى.