بۇل وزگەرىستەر قىزمەتتەردىڭ ساپاسىن ەداۋىر جاقسارتۋعا مۇمكىندىك بەرەدى.
ەنگىزىلگەن وزگەرىستەر مەن تولىقتىرۋلاردى مۇگەدەكتىگى بار ادامداردىڭ قوعامدىق بىرلەستىكتەرى مەن جەرگىلىكتى اتقارۋشى ورگاندار ۇسىندى، دەپ حابارلايدى Almaty-akshamy.kz ق ر ەڭبەك جانە الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ.
زاڭنامالىق بازانى جەتىلدىرۋ شەڭبەرىندە كورسەتىلەتىن قىزمەتتەردىڭ ساپاسىن ەداۋىر جاقسارتۋعا مۇمكىندىك بەرەتىن «حالىقتى الەۋمەتتىك قورعاۋ سالاسىندا ارناۋلى الەۋمەتتىك قىزمەتتەر كورسەتۋ ستاندارتتارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 26 ناۋرىزداعى بۇيرىعىنا وزگەرىستەر ەنگىزىلدى.
مەديسينالىق-الەۋمەتتىك مەكەمەلەردە (بۇدان ءارى – ءمام) ارناۋلى الەۋمەتتىك قىزمەتتەر كورسەتۋ ستاندارتتارىندا مىنالار قاراستىرىلعان:
- مۇگەدەكتىگى بار ادامدار مەن قارتتارعا ارنالعان سانيتاريالىق-گيگيەنالىق زاتتاردىڭ تىزبەسىن كۇندەلىكتى جانە ۋرولوگيالىق توسەمدەرمەن كەڭەيتۋ؛
- قاتتى ينۆەنتار رەتىندە قوسىمشا پوزيسيانى قوسۋ؛
- مۇگەدەكتىگى جوق ادامدارعا دارىگەردىڭ كورسەتىلىمى بويىنشا تەحنيكالىق كومەكشى (ورنىن تولتىرۋشى) قۇرالدار مەن ارناۋلى ءجۇرىپ-تۇرۋ قۇرالدارىن (بالداقتار، تاياقتار، جۇرگىشتەر، كورسەتتەر، بانداجدار، ەمدىك بەلدىكتەر، ەستۋ اپپاراتتارى، بولمەلىك كرەسلو-اربالار، سەرۋەندەۋگە ارنالعان كرەسلو-اربالار، سىڭىرگىش جايمالار (جايالىقتار) بەرۋ؛
- الەۋمەتتىك-ەڭبەك قىزمەتتەرىن ۇسىنۋ (جىلىجايلاردا، قىسقى باقتا، ءۇي جانىنداعى ۋچاسكەلەردە)، بۇل قىزمەت الۋشىلاردى ولاردىڭ دەنساۋلىق جاعدايىن ەسكەرە وتىرىپ، ءومىردىڭ ءارتۇرلى نىساندارىنا تارتۋعا مۇمكىندىك بەرەدى.
سونداي-اق مام-دە رەسىمدەۋ كەزىندە مەديسينالىق تەكسەرۋدەن ءوتۋ ءراسىمىن وڭايلاتۋ ماقساتىندا قولدانىستاعى مەديسينالىق كارتا نىسانىندا كوزدەلگەن تار شەڭبەرلى مامانداردىڭ تىزبەسى قىسقارتىلدى. مىندەتتى 8 ماماننان 3، سونداي-اق بارلىق قوسىمشا 7 مامان قىسقارتىلدى.
ۇيدە ارناۋلى الەۋمەتتىك قىزمەت كورسەتۋ ستاندارتتارىندا قارتتار مەن مۇگەدەك ادامداردى كۇتۋ جونىندەگى الەۋمەتتىك قىزمەتكەرلەردى ۋنيفورمامەن، جەكە قورعانىس قۇرالدارىمەن (ءبىر رەت قولدانىلاتىن ماسكالار مەن قولعاپتار، دەزينفەكسيالاۋ قۇرالدارى) قامتاماسىز ەتۋ كوزدەلگەن.
ەنگىزىلگەن وزگەرىستەر مەن تولىقتىرۋلاردى مۇگەدەكتىگى بار ادامداردىڭ قوعامدىق بىرلەستىكتەرى مەن جەرگىلىكتى اتقارۋشى ورگاندار ۇسىندى.