2023 جىلعى 1 قاڭتاردان باستاپ الەۋمەتتىك قامسىزداندىرۋ سالاسىنداعى 38 مىڭ قىزمەتكەردىڭ جالاقىسى 25%-عا ارتتى.
جالاقىنىڭ ءوسۋى قىزمەتىن ستاسيونارلىق جانە جارتىلاي ستاسيونارلىق ۇلگىدەگى مەديسينالىق-الەۋمەتتىك مەكەمەلەردە، ۇيدە قىزمەت كورسەتۋ، ۋاقىتشا بولۋ ۇيىمدارىندا جانە جۇمىسپەن قامتۋ ورتالىقتارىندا جۇزەگە اسىراتىن باسشى قۇرام مەن نەگىزگى پەرسونالدارعا (الەۋمەتتىك قىزمەتكەرلەر، پەداگوگتەر، مەديسينا قىزمەتكەرلەرى جانە ت.ب.) قاتىستى بولدى، دەپ حابارلايدى Almaty-akshamy.kz
ەسكە سالا كەتسەك، 2021 جىلدىڭ 1 قاڭتارىنان باستاپ الەۋمەتتىك قىزمەتكەرلەردىڭ جالاقىسى 50%-عا، ال 2022 جىلى 25%-عا وسكەن.
سونداي-اق 2021 جىلى لاۋازىمدىق جالاقىنىڭ 30%-دان 40%-عا دەيىنگى مولشەرىندە قوسىمشا ءوسۋى ارقىلى اكىمشىلىك جانە كومەكشى پەرسونال، ستاسيونارلىق جانە جارتىلاي ستاسيونارلىق ۇلگىدەگى مام-دە، ۇيدە قىزمەت كورسەتۋ جانە ۋاقىتشا بولۋ ۇيىمدارىندا جۇمىس ىستەيتىن جۇمىسشىلار ءۇشىن جالاقىنى ارتتىرۋ جۇزەگە اسقان ەدى.