1949-1998 جىلدار ارالىعىندا تۋعان قازاقستان ازاماتتارىنا بەلگىسىز الەۋمەتتىك قوردان 50 000 تەڭگە اۋدارىلاتىنى تۋرالى الەۋمەتتىك جەلىلەر مەن مەسسەندجەرلەردە تاراتىلىپ جاتقان اقپارات شىندىققا جاناسپايدى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى ءمالىم ەتتى، دەپ حابارلايدى Almaty-akshamy.kz.
مينيسترلىك بۇل اقپاراتتىڭ جالعان ەكەنىن جانە مۇنداي الەۋمەتتىك كومەكتىڭ جوقتىعىن حابارلادى. قاراجاتتى الۋ ءۇشىن بەلگىسىز ادامدار ازاماتتارعا سىلتەمەگە ءوتۋدى ۇسىنادى، بۇل الاياقتار ءۇشىن جەكە دەرەكتەردى الۋ ءتاسىلى بولۋى مۇمكىن. سوندىقتان، الاياقتارمەن ءوزارا ارەكەتتەسۋدى بولدىرماۋ ءۇشىن سىلتەمەگە وتپەۋگە كەڭەس بەرىلەدى.
مەملەكەتتىك قولداۋدىڭ ءتيىستى شارالارى تۋرالى رەسمي اقپارات تەك قانا 1414 نومىرىنەن سمس-حابارلامالار ارقىلى تاراتىلادى. ازاماتتاردان تەك رەسمي كوزدەردەگى اقپاراتتى پايدالانۋىن سۇرايمىز.
ەستەرىڭىزگە سالامىز، جالعان اقپارات تاراتۋ زاڭمەن جازالاناتىنىن ۇمىتپاڭىزدار.