الەۋمەتتىك وسال توپتارعا بەرىلەتىن جاردەماقىلاردىڭ سوماسىن كوبەيتۋ ەسكەرىلىپ وتىر.
بۇل تۋرالى سەناتتىڭ جالپى وتىرىسىندا ق ر الەۋمەتتىك كودەكسىنىڭ جوباسى مەن ىلەسپە زاڭ جوبالارىن ءبىرىنشى وقىلىمدا تالقىلاۋ كەزىندە ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«كودەكستىڭ كەلەسى جاڭالىعى – اتاۋلى الەۋمەتتىك قولداۋدى كۇشەيتۋ. وعان سايكەس مەملەكەتتىك قولداۋ الدىمەن الەۋمەتتىك سىن-قاتەردىڭ الدىن الاتىن اتاۋلى شارا رەتىندە قارالاستىرىلىپ، ودان كەيىن عانا اتاۋلى الەۋمەتتىك كومەك رەتىندە ەسكەرىلەدى. بۇل رەتتە، 2 ماسەلەگە باسا نازار اۋدارعىم كەلەدى. بىرىنشىدەن، اتاۋلى شارالار سيفرلىق كارتا نەگىزىندە انىقتالىپ، وتباسىنىڭ ستاتۋسىنا قاراي ىسكە اسىرىلاتىن بولادى. وسى ورايدا سيفرلى كارتادان كوپبالالى وتباسىلاردىڭ ءتۇرلى الەۋمەتتىك سىن-قاتەرگە تاپ بولۋى ىقتيمالدىعى جوعارى ەكەندىگىن كوردىك. سوندىقتان بالالى وتباسىلاردى الەۋمەتتىك قولداۋدىڭ قولدانىستاعى جۇيەسىن ساقتاي وتىرىپ، بالالاردى قورعاۋدىڭ قوسىمشا اتاۋلى شارالارى قاراستىرىلدى»، - دەدى ت. دۇيسەنوۆا.
وسى ورايدا الەۋمەتتىك كودەكستە بالالارى بار وتباسىلاردى الەۋمەتتىك قولداۋدىڭ قوسىمشا شارالارى رەتىندە مىنا قادامدار ەسكەرىلگەن:
- بالا كۇتىمى بويىنشا تولەمدەردىڭ مەرزىمىن 1،5 جاسقا دەيىن ۇزارتۋ؛
- كوپبالالى انالارعا بەرىلەتىن جاردەماقى سوماسىن سارالاۋ جانە ولارعا ناگرادتالعان انا دەگەن جاڭا مارتەبە بەرۋ؛
- الەۋمەتتىك وسال توپتارعا بەرىلەتىن جاردەماقىلاردىڭ سوماسىن كوبەيتۋ.
«تاعى ءبىر ماڭىزدى وزگەرىس – اتاۋلى الەۋمەتتىك كومەك بەرۋ ءۇشىن كەدەيلىك شەگى بۇگىنگى كۇنكورىس دەڭگەيىنىڭ ورنىنا مەدياندىق تابىس دەڭگەيى ارقىلى انىقتالادى. بۇل رەتتە ەكونوميكالىق ىنتىماقتاستىق جانە دامۋ ۇيىمىنىڭ تاجىريبەسى زەردەلەندى. وسى ۇيىمعا كىرەتىن 8 مەملەكەت وسى ءتاسىلدى پايدالانىپ كەلەدى. بۇگىندە اقش-تاعى كەدەيلىك شەگى مەديانالىق كىرىستىڭ 40 پايىزىنا، كانادادا - 50، ال ەۋرالىق وداق ەلدەرىنە كىرەتىن كەيبىر مەملەكەتتەردە 60 پايىزىنا پارا-پار. ءبىز دە وسى تاجىريبەنى 2025 جىلدان باستاپ ەنگىزۋدى كوزدەپ وتىرمىز»، – دەدى تامارا دۇيسەنوۆا.
بۇدان بۇرىن حابارلانعانداي، الەۋمەتتىك كودەكس جوباسىندا قاعاز قۇجاتتار جۇيەدەن شىعارىپ، جاردەماقىلاردى پرواكتيۆتى فورماتتا بەكىتۋ ەسكەرىلگەن.