بۇل قىزمەتكە ايدىن اشۋيەۆ كەلدى.
ايدىن اشۋيەۆ «الەۋمەتتىك مەديسينالىق ساقتاندىرۋ قورى» كوممەرسيالىق ەمەس اكسيونەرلىك قوعامىنىڭ باسقارما ءتوراعاسى بولىپ تاعايىندالدى، دەپ حابارلايدى Almaty-akshamy.kz.
«ق ر دەنساۋلىق ساقتاۋ ءمينيسترىنىڭ 2022 جىلعى 27 قاڭتارداعى بۇيرىعىمەن «الەۋمەتتىك مەديسينالىق ساقتاندىرۋ قورى» كەاق باسقارما ءتوراعاسى بولىپ اشۋيەۆ ايدىن جۇمابەك ۇلى تاعايىندالدى»، - دەلىنگەن دسم باسپا ءسوز قىزمەتىنىڭ حابارلاماسىندا.
اشۋيەۆ ايدىن جۇمابەك ۇلى 1976 جىلى 26 قازاندا دۇنيەگە كەلگەن. قازاق مەملەكەتتىك باسقارۋ اكادەمياسىن «ەكونوميست» ماماندىعى بويىنشا بىتىرگەن.
ءوز قىزمەتىن جەكە ۇيىمدا مەنەدجەر رەتىندە باستادى.
1999 جىلدان باستاپ قازاقستان رەسپۋبليكاسى ستاتيستيكا اگەنتتىگىندە ءارتۇرلى لاۋازىمداردا قىزمەت اتقاردى.
ساقتاندىرۋ ۇيىمدارىندا جۇمىس تاجىريبەسى بار. قازاقستان رەسپۋبليكاسىنىڭ ادىلەت مينيسترلىگىندە، «قازاگرو» ۇلتتىق حولدينگىندە، «قازاگروگارانت» اق-دا، قازاقستان رەسپۋبليكاسى توتەنشە جاعدايلار مينيسترلىگى مەملەكەتتىك ماتەريالدىق رەزەرۆتەر كوميتەتىنىڭ «رەزەرۆ» رمك-دا جاۋاپتى لاۋازىمداردى اتقاردى.
2016 جىلدان 2019 جىلعا دەيىن «امانگەلدى گاز» ج ش س باس ديرەكتورىنىڭ ەكونوميكا جانە قارجى جونىندەگى ورىنباسارى بولىپ جۇمىس ىستەدى.
2019 جىلدان 2021 جىلدىڭ قاڭتارىنا دەيىن مەملەكەتتىك ساتىپ الۋ كوميتەتىنىڭ ءتوراعاسى، قازىناشىلىق كوميتەتىنىڭ ءتوراعاسى، قازاقستان رەسپۋبليكاسىنىڭ قارجى مينيسترلىگىندە جاۋاپتى حاتشى لاۋازىمدارىن اتقاردى.
2021 جىلعى قاڭتاردان باستاپ قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك ينسپەكتورى قىزمەتىندە بولدى.