بۇل تۋرالى بۇۇ باسشىسى انتونيۋ گۋتەرريش يادرولىق قارۋدى تاراتپاۋ تۋرالى شارت قاتىسۋشىلارىنىڭ كونفەرەنسياسىندا ءمالىم ەتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
انتونيۋ گۋتەرريشتىڭ ايتۋىنشا، بۇل فورۋم وتە ماڭىزدى كەزەڭدە ءوتىپ جاتىر، ادامزات ءقازىر جولايرىقتا تۇر، ال جاھاندىق قاۋىپسىزدىككە ءقاۋىپ ءتوندى.
«الەم كليماتتىڭ وزگەرۋى، تەڭسىزدىك سەكىلدى قۇبىلىستارعا تاپ بولدى، شيەلەنىستەر مەن ادام قۇقىعىنىڭ بۇزىلۋى جيىلەپ كەتتى. ەكونوميكالىق باقۋاتتىلىقتىڭ ىرگەسىن COVID-19 پاندەمياسى شايقالتتى. «بۇل ءبىزدىڭ ۇرپاقتىڭ ماڭدايىنا جازىلعان ەڭ ۇلكەن سىن–قاتەر. سونىمەن قاتار وسىنىڭ ءبارى قىرعي-قاباق سوعىسى كەزەڭىنەن بەرى يادرولىق ءقاۋىپ ەڭ جوعارى دەڭگەيگە جەتكەن ساتتە بولىپ وتىر»، - دەيدى بۇۇ باسشىسى.