جەر ءجۇزى عاجايىپتاردان تۇرادى. ونى جاسايتىن – ايرىقشا ادامدار. ولار ادامزاتتىڭ باعىتىن وزگەرتەتىن كۇشكە يە.
ءبارىمىز جاھانعا تانىمال بولۋدى ويلايمىز. سول ءۇشىن بارىنشا تىرىسامىز. تالپىنىپ، ءتۇرلى قادامعا بارامىز. دەسە دە، ونداي بولماققا ەرەكشە قابىلەت، دارىن، ىنتا قاجەت. بۇگىنگى ادامنىڭ مۇمكىندىگى جوعارى. عالامتوردى اشىپ، ءتۇرلى جەتىستىكتەرگە قول جەتكىزۋگە بولادى. ءبىر ساتتە كۇللى دۇنيەنى تاڭداندىرا الاسىز. بۇل جولدا شىن تالانتتار ءبىر ساتتىك بەينەگە ەمەس، ماڭگىلىك تۇلعا بولۋعا تالپىنارى انىق.
سوڭعى ۋاقىتتارى قازاق جاستارى وسىنداي بيىك تۇعىردان كورىنىپ ءجۇر. ءتىپتى، عالامدىق دەڭگەيگە ورلەۋدە. وسىعان بايلانىستى الەمگە ايگىلى 5 قازاق جايلى دەرەكتەر توپتاماسىن ۇسىنامىز.
ديماش قۇدايبەرگەن
ديماش – الەمدەگى ايرىقشا داۋىس يەسى. تەمبر، جوعارى مەن تومەنگى نوتالاردى شەبەر الا بىلەدى. ول بۇگىنگە دەيىن اقش، جۇڭگو، رەسەي، ەۋروپانىڭ كوپتەگەن ەلدەرىندە جەكە كونسەرتىن بەردى. ءتىپتى، جانكۇيەرلەرى قازاقشا ءان شىرقاپ، قازاقتىڭ ۇلتتىق كيىمدەرىن كيىپ، عالامتورعا جۇكتەپ، جىلى لەبىزىن بىلدىرەتىندەر قاتارى ارتىپ كەلەدى.
دىنمۇحاممەد قۇدايبەرگەن 1994 جىلى 24 مامىردا اقتوبەدە تانىمال انشىلەر قانات پەن سۆەتلانا ايتبايەۆتاردىڭ وتباسىندا دۇنيەگە كەلگەن.
قازاق ۇلتتىق ونەر ۋنيۆەرسيتەتىن «ەسترادا ۆوكالى» ماماندىعى بويىنشا ءبىتىردى. ماراپاتتارى:
2014 جىلى قازاقستان رەسپۋبليكاسى ۇكىمەتىنىڭ «دارىن» مەملەكەتتىك جاستار سىيلىعىنىڭ لاۋرەاتى؛
«جىل تاڭداۋى حالىقتىڭ سۇيىكتىسى» ۇلتتىق سىيلىعىنىڭ لاۋرەاتى؛
2017 جىلى قازاقستان رەسپۋبليكاسىنىڭ مادەنيەت پەن ونەر سالاسىنداعى مەملەكەتتىك ستيپەندياسىنىڭ يەگەرى؛
2017 جىلى قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورى سىيلىعىنىڭ يەگەرى؛
2018 جىلى قىتايدا «Weibo Night» سالتاناتىندا «ەڭ تانىمال ءارتىس» جۇلدەسىنىڭ يەگەرى.
2019 جىلى «قازاقستاننىڭ ەڭبەك سىڭىرگەن قايراتكەرى» اتاندى.
2021 جىلى ديماش قۇدايبەرگەن ازياداعى ەڭ سىمباتتى ەر ادام اتاندى.
جانىبەك ءالىمحان ۇلى
جانىبەك – Qazaq styleء-دىڭ نەگىزىن قالاۋشى. ونىڭ جىلدامدىعى دۇنيەنى تاڭداندىرۋدا. ول – بوكس سالاسى بويىنشا امەريكا قۇراما شتاتتارىنداعى جاس سپورتشىلاردىڭ بىرەگەيى. ۇلتتىق جاۋھارلارىمىزدى تانىتىپ جۇرگەن بىردەن-بىر قازاق.
ول 1993 جىلى الماتى وبلىسى جىلاندى اۋىلىندا دۇنيەگە كەلگەن. كاسىپقوي بوكستا ورتا 72 كەلى سالماقتا ونەر كورسەتەتىن، جەڭىلىس كورمەگەن كاسىپقوي بوكسشى. قازاقستاننىڭ ەڭبەك سىڭىرگەن سپورت شەبەرى. 2013 جىلى الەم چەمپيونى اتانادى. 2013-2014 جىلدارى ازيا چەمپيونى، حالىقارالىق دارەجەدەگى سپورت شەبەرى. WBO Global تۇجىرىمى بويىنشا 2012–2020 جىلدارى WBC Continental Americas تۇجىرىمى بويىنشا جەڭىمپازى سانالادى.
يمانبەك زەيكەنوۆ
يمانبەك – قاراپايىم جان. سولتۇستىك ءوڭىر، اقسۋ قالاسىنىڭ تۋماسى. بالا كۇنىنەن مۋزىكاعا قۇمارتقان. ءسويتىپ، ءارتۇرلى ترەكتەردى ريتمگە ءتۇسىرۋدى ويلاپ جۇرگەن. ول ويىنا 20 جاسىندا قول جەتكىزەدى. 2020 جىلى «گرەممي» جۇلدەسىن ۇتادى.
ونىڭ رەميكستەرىن تۇگەل ەۋروپنى نيدەرلاندى، بەلگيا، شۆەسيا، ارىسى امەريكا مەن كانادانى شارلايدى. عالامتورداعى Shazam رەيتينگىنىڭ ۇشتىگىنە ەنەدى. كوپتەگەن تىڭدالىم جينايدى. بارشا دۇنيە ءجۇزى بويىنشا ەڭ تانىمال ءارى جاس مۋزىكانت بولىپ ەسەپتەلەدى.
ديماش ادىلەت
ول – دۇنيەجۇزىندەگى ەڭ سىمباتتى ەر ادام بولىپ تانىلدى. ءوزىنىڭ ارمانىن ورىنداۋ جولىندا بارىن سالدى. ىزدەندى، سپورتپەن شۇعىلداندى. امەريكاداعى ەڭ تانىمال ءسان ساحنالارىنا قىتىستى. ءتۇر سىمباتى مەن ويى قاتار كەلىسكەن قازاق جىگىتى تالاي ارۋدىڭ جۇرەگىن باۋرادى. گوليۆۋدتىق تانىمال اكتريسالار ونىڭ ونەرىنە ءتانتى بولدى. بۇگىندە ديماش ەڭ تانىمال ءسان الەمىنىڭ شوق جۇلدىزىنا اينالدى. ءوزىنىڭ ءبىر سۇحباتىندا «بولاشاق جارىن دۇنيەدەگى ەڭ باقىتتى ايەل ەتەتىنىن» ايتتى.
وسىدان بىرنەشە جىل بۇرىن ديماش ادىلەت IQ تەستىن جوعارى ناتيجەمەن تاپسىرىپ، الەمدەگى ەڭ اقىلدى ادامداردىڭ قاتارىنا قوسىلدى. ول – قازاقستان تۋماسى، گارۆارد ۋنيۆەرسيتەتىنىڭ تۇلەگى. سونىمەن قوسا، دۇنيەدەگى IQ ەڭ جوعارى ادامداردان قۇرالعان حالىقارالىق Mensa International ۇيىمىنىڭ مۇشەسى.
سانجار مادييەۆ
سانجار – كوپشىلىككە تانىمال اكتەر. كوبىنەسە ماحاببات، تاريحي كوركەم تۋىندىلار، ەكشن دەرەكتى فيلمدەرىمەن تانىلدى. ونى باسىندا رەسەيلىك اكتەر دەپ شاتاستىرعاندار دا بولدى. ويتكەنى، ونىڭ تانىمالدىلىعىنا قۋات بەرگەن سول ەلدەگى تۇسكەن كينولارى ەدى. بۇگىندە بويشاڭ، اتجاقتى، ەۋروپالىق كەلبەتتى كەلگەن وتانداسىمىز شەتەلدىك كينوكارتينالارىنىڭ سۇرانىسىنا يە.
جەرلەسىمىز 1986 جىلى الماتىدا دۇنيەگە كەلگەن. جاستايىنان برەك-دانس، قويان قولتىق ۇرىسقا جانە ءجۇزۋ ۇيىرمەلەرىنە قاتىستى. لوساندجەلەستە كينو سالاسى بويىنشا ماماندىعىندا Film Making ءبىلىم الدى. وسىعان دەيىن 30-دان استام جوباعا قاتىستى.