2022 جىلى 345 ساعاتتىق ءونىم قازاق تىلىندە سويلەي باستادى
بيىلدان باستاپ بالالارعا ارنالعان الەمگە تانىمال «Nick Jr» ارناسى قازاق تىلىندە كورسەتىلە باستايدى، دەپ حابارلايدى Almaty-akshamy.kz ق ر اقپارات جانە قوعامدىق دامۋ مينيسترلىگىنىڭ Instagram پاراقشاسىنا سىلتەمە جاساپ.
«وزدەرىڭىزگە ءمالىم، مەملەكەتتىك تىلدەگى بالالار كونتەنتىن دامىتۋ ماقساتىندا 2021 جىلدان بەرى «Nickelodeon» بالالار تەلەارناسىنىڭ ونىمدەرىن قازاق تىلىنە اۋدارۋ جوباسى ىسكە اسىرىلىپ جاتىر. 2021 جىلى «Nickelodeon» تەلەارناسىنىڭ 465 ساعاتتىق مازمۇنى اۋدارىلسا، 2022 جىلى 345 ساعاتتىق ءونىم قازاق تىلىندە سويلەي باستادى»، - دەلىنگەن حابارلامادا.