ءال-فارابي اتىنداعى قازۇۋ اعا وقىتۋشىسى، ءدىنتانۋ دوكتورانتى ەلنار بەرىكبايەۆ وڭىرلىك كوممۋنيكاسيالار قىزمەتىنىڭ بريفينگىندە يسلام ۇستانىمى تۇرعىسىنان كوروناۆيرۋسقا قارسى ۆاكسينالانۋ تۋرالى سۇراقتارعا جاۋاپ بەردى، دەپ حابارلايدى almaty-akshamy.kz
ەلنار بەرىكبايەۆ اتاپ وتكەندەي، قارسىلىق كورسەتۋشىلەر كەيدە ءوز قوزعالىستارىندا ءدىني سەنىمدەردى قولدانادى. ول نەمەن بايلانىستى ەكەنىن ءتۇسىندىردى.
«ادەتتە، انتيۆاكسەرلەردىڭ دالەلدەرىنىڭ كوپشىلىگى عىلىمي دەرەكتەرمەن راستالمايدى. ال قازاقستان ازاماتتارىنىڭ كوپشىلىگى وزدەرىن ءدىندار سانايتىندىقتان، ءدىني پىكىرتالاستار حالىق اراسىندا ۇندەسەدى»، - دەپ ءتۇسىندىردى ساراپشى.
ە. بەرىكبايەۆ ۆاكسينالانۋعا قارسى قوزعالىس ەدۆارد دجەننەر 1796 جىلى شەشەككە قارسى العاشقى ۆاكسينانى جاساعاننان كەيىن كوپ ۇزاماي پايدا بولعانىن حابارلادى. ول كەزدە ۆاكسيناسياعا قارسى شىققانداردىڭ نەگىزگى ارگۋمەنتتەرى ءدىني بولدى.
«ولار مۇنى قۇدايدىڭ تاعدىرىنا ارالاسۋمەن بايلانىستىردى. ايتا كەتسەك، ءدىني ۆاكسيناسيادان باس تارتۋ – ۆاكسيناعا قارسى كوپتەگەن سەبەپتەردىڭ ءبىرى عانا. ولاردىڭ اراسىندا فارماسيەۆتەردىڭ بەلگىلى قاستاندىق تەورياسى مەن باسقا دا قاستاندىق تەوريالارى بار»، - دەپ اتاپ ءوتتى بەرىكبايەۆ.
ءدىنتانۋشى ۆاكسيناسيادان باس تارتۋدى حالىقتىڭ جەكەلەگەن سەگمەنتتەرىنىڭ دەنساۋلىق ساقتاۋ جۇيەسىنە سەنىمسىزدىكپەن بايلانىستىرادى.
«جاقىندا ماڭعىستاۋ وبلىسىندا بولعان وقيعانى ەسكە تۇسىرۋگە بولادى. سەگىز جاسار بالا ۆەلوسيپەدتەن قۇلاپ، قولىن سىندىرادى. ءبىراق ونىڭ اتا-اناسى "جەدەل جاردەمگە" ەمەس، ەمشىگە جۇگىنەدى. ول قولىن تەكسەرىپ، تاڭىپ بولعان سوڭ، بالانى ۇيىنە جىبەردى. ناتيجەسىندە قولدى كەسۋگە تۋرا كەلدى»، - دەيدى تەولوگ.
عالىم ءبىزدىڭ وتانداستارىمىز ءالى دە حالىقتىق ادىستەرمەن ەمدەلۋدە جانە حالىق ەمشىلەرىنە جۇگىنۋدى جالعاستىرۋلارىنا وكىنىشپەن قارايدى.
ءسوزىنىڭ سوڭىندا ە. بەرىكبايەۆ يسلامدا اۋرۋ كەزىندە ماماندارعا جۇگىنۋ ادەتكە اينالعانىن ايتتى. حاديستەردىڭ بىرىندە: «ءار عىلىمنىڭ ءوز قۇندىلىعى بار، ولارعا جۇگىنۋ كەرەك» دەلىنگەن.
«دارىگەرلەر ءبىرىنشى كەزەكتە ۆاكسينالانۋ تۋرالى ايتۋى كەرەك. سوزدەرى ادامداردىڭ شەشىمدەرىنە اسەر ەتەتىن ءدىني قىزمەتكەرلەر، ءوز پىكىرىن ايتپاس بۇرىن، ماسەلەنى مەديسينالىق تۇرعىدان ءتۇسىنۋى، دارىگەردەن كەڭەس الۋى ءتيىس. سودان كەيىن عانا ولار وتىنىشپەن شىعا الادى»، - دەپ اتاپ ءوتتى ءدىنتانۋشى.