الەمدى الەككە سالعان «وميكرون»

قازاقستاننىڭ دا كوپ بولىگىن ءقاۋىپتى «قىزىل» ايماققا قايتا ورنالاستىردى.

Almaty-akshamy.kz Covid-19 تارالۋىنا جول بەرمەۋ جونىندەگى ۆاك-تىڭ تەلەگرام كانالىنىڭ مالىمەتىنە سۇيەنىپ، الەمنىڭ باسقا مەملەكەتتەرىندەگى ەپيداحۋالعا شولۋ جاسايدى.

تۇركيا كارانتيندىك شەكتەۋلەر مەن تەستىلەۋ تالاپتارىن جەڭىلدەتۋگە نيەتتى. ناۋقاستارمەن بايلانىستا بولعان تولىق ۆاكسينالانعان تۇرعىندار كارانتينگە جىبەرىلمەيدى، ال ۆيرۋس جۇقتىرعاندارعا وقشاۋلانۋدى توقتاتۋ ءۇشىن پتر سىناعى قاجەت ەمەس. ايتا كەتۋ كەرەك، تۇركيادا «وميكرون» باسىم بولدى، ينفەكسيالار سانى وتكەن ايدان باستاپ ءتورت ەسە ءوستى، ءبىراق اۋرۋحاناعا جاتقىزۋ سانى تەك 10%-عا ارتتى. ءبىر كۇن بۇرىن ەلدە 77 722 جاڭا covid-19 جاعدايى انىقتالدى، بۇل پاندەميا باستالعاننان بەرى انتيرەكوردقا اينالدى. جالپى، ىندەتكە شالدىققاندار سانى 10 195 676 جاعدايعا جەتتى، 84 125 ادام قايتىس بولدى.

فەدەرالدى ايماقتا كۆي اۋرۋشاڭدىعىنىڭ ارتقاندىعىن مالىمدەدى. ءبىر كۇن بۇرىن گەرمانيادا تاۋلىكتىك جوعارى كورسەتكىش تىركەلدى - اۋرۋدىڭ 81 417 جاڭا جاعدايى انىقتالىپ، 316 ادام قايتىس بولدى. پاندەميا باستالعاننان بەرى روبەرت كوح ينستيتۋتى SARS-CoV-2 راستالعان 7 743 228 جاعدايدى تىركەدى. كوروناۆيرۋستىق ينفەكسيانىڭ، اتاپ ايتقاندا، بۇكىل ەۋروپادا «وميكرون» شتامى تارالۋىنىڭ اياسىندا ەل بيلىگى ازاماتتاردى يممۋنداۋ قارقىنىن ارتتىرۋعا تىرىسۋدا. دەنساۋلىق ساقتاۋ مينيسترلىگىنىڭ اقپاراتىنا سايكەس، ءقازىر كۇنىنە 700 000-عا جۋىق ادام ەكپە قابىلداۋدا.