الەمدەگى ءقاۋىپسىز ەل بويىنشا قازاقستان قانشاسىنشى ورىندا تۇر؟

قازاقستان الەمدەگى قاۋىپسىزدىك دەڭگەيى بويىنشا رەيتينگتە 76-ورىنعا تابان تىرەدى.

مۇنداي مالىمەتتى ەكونوميكا جانە بەيبىتشىلىك ينستيتۋتى 2023 جىلى جاھاندىق بەيبىتشىلىك يندەكسى زەرتتەۋى ناتيجەسىندە ۇسىنعان، - دەپ حابارلايدى اlmaty-akshamy.kz.

DailyMail، باسىلىمىنىڭ مالىمەتىنە سۇيەنسەك، زەرتتەۋ بارىسىندا 163 تاۋەلسىز مەملەكەت پەن تەرريتوريا قامتىلعان، وندا قوعامدىق قاۋىپسىزدىك دەڭگەيى، ىشكى جانە حالىقارالىق ۇرىس، سونداي-اق ميليتاريزاسيا كورسەتكىشى ەسكەرىلگەن.

سونىڭ ناتيجەسىندە، يسلانديا - الەمدەگى ەڭ ءقاۋىپسىز ەل بولدى (ونداعى جانارتاۋ بەلسەندىلىگى ەسكەرگەننىڭ وزىندە)، ەكىنشى ورىن - دانيا، يرلانديا - ءۇشىنشى جانە جاڭا زەلانديا - ءتورتىنشى ورىندا تۇر.

اقش الدىڭعى رەيتينگتەردەگىدەي 131-ورىندا تۇر، ونىڭ الدىندا وڭتۇستىك افريكا (130) .

سەگىزىنشى جىل قاتارىنان اۋعانستان (163) الەمدەگى ەڭ ءقاۋىپتى ەل رەتىندە كەلەدى، ودان كەيىن يەمەن (162)، سيريا (161)، وڭتۇستىك سۋدان (160) جانە كونگو دەموكراتيالىق رەسپۋبليكاسى (159).

زەرتتەۋگە سايكەس، ەۋروپا الەمدەگى ەڭ بەيبىت ايماق جانە ەڭ بەيبىت ون ەلدىڭ جەتەۋىنىڭ مەكەنى ەكەن. قالعان ءۇش بەيبىت ەل ازيا-تىنىق مۇحيتى ايماعىندا ورنالاسقان. تاياۋ شىعىس پەن سولتۇستىك افريكا الەمدەگى ەڭ ءقاۋىپتى ايماقتار رەتىندە قالا بەرەدى.

قازاقستان رەيتينگتە 76-ورىنعا يە بولدى. وزبەكستان 86-ورىندا، تۇركىمەنستان مەن قىرعىزستان سايكەسىنشە 100 ء-شى جانە 101ء-شى ورىندا. جۇڭگو 80-ورىنعا يە بولدى، تۇركيا يرانمەن بىرگە 147ء-شى ورىندى ءبولدى. رەسەيگە 158-ورىن بۇيىرعان.

الەمنىڭ ەڭ ءقاۋىپتى ءارى ءقاۋىپسىز ەلدەرى رەيتينگىن تولىق ءتىزىمىن مىنا جەردەن كورە الاسىزدار.