الەمدەگى كوروناۆيرۋس جاڭالىقتارى

ءبىرقاتار ەلدە كوروناۆيرۋسقا شالدىققانداردىڭ تاۋلىكتىك ءوسۋى بويىنشا انتيرەكوردتار تىركەلدى

كانادادا بيلىك ۆاكسينالانباعان ازاماتتارعا سالىق سالۋعا نيەتتى. جاڭاشىلدىقتار كۆەبەك پروۆينسياسىنا اسەر ەتەدى، دەپ حابارلايدى Almaty-akshamy.kz Covid-19 تارالۋىنا جول بەرمەۋ جونىندەگى ۆاك-تىڭ Telegram كانالىنا سىلتەمە جاساپ.

"دەنساۋلىق ساقتاۋ جارناسى" دەپ اتالاتىن سالىقتى ۆاكسينالاۋدان باس تارتقان ادامدار تولەۋى كەرەك. پروۆينسيا پرەمەر-مينيسترىنىڭ ايتۋىنشا، بۇل شارالار "باس تارتۋشىلاردىڭ” بارلىق تۇرعىندار ءۇشىن قارجىلىق اۋىرتپالىق تۋدىرۋىنا بايلانىستى قابىلدانۋدا.

پورتۋگاليادا ەلگە كەلگەن كەزدە كوروناۆيرۋسقا تەستىلەۋدىڭ تەرىس ناتيجەسى بولماعان 2200-دەن استام ساياحاتشىعا بيلىك 1-10 قاڭتار ارالىعىندا ايىپپۇل سالدى. اتالعان ساياحاتشىلارعا كوروناۆيرۋسقا تەكسەرۋدىڭ باستاپقى تەرىس ناتيجەسىنسىز كىرۋگە رۇقسات بەرگەنى ءۇشىن بارلىعى 41 اۆياكومپانياعا ايىپپۇل سالىندى.

ءبىرقاتار ەلدە كوروناۆيرۋسقا شالدىققانداردىڭ تاۋلىكتىك ءوسۋى بويىنشا انتيرەكوردتار تىركەلدى: فرانسيادا — 368 149 جاعداي، يتاليادا — 220 532، ارگەنتينادا — 134 439، تۇركيادا — 74 266، بولگاريادا — 7 062 جاعداي.