الەمدەگى ەڭ قىمبات فۋتبولشىلار كىمدەر؟

CIES Football Observatory زەرتتەۋ توبىنىڭ تۇجىرىمىنشا الەمدەگى ەڭ قىمبات فۋتبولشىلاردىڭ ءتىزىمى جاريالاندى، - دەپ حابارلايدى اlmaty-akshamy.kz. 

ءتىزىمدى "رەالدىڭ" 20 جاستاعى جۇلدىزى دجۋد بەللينگەم باستايدى. ونىڭ ترانسفەرلىك قۇنىن 267،5 ميلليون ەۋروعا باعالاۋدا، ال Transfermarkt مالىمەتىنشە، انگليالىق ويىنشىنىڭ قۇنى 180 ميلليون.

ەكىنشى ورىندا "مانچەستەر سيتي" شابۋىلشىسى ەرلينگ حولاند - 251،2 ميلليون ەۋرو، ال توپ-3 ءتىزىمىن ۆينيسيۋس جۋنيور ("رەال"، 250،3 ميلليون ەۋرو) جالعايدى.

ءبىر قىزىعى پسج مەن فرانسيا قۇراماسىنىڭ شابۋىلشىسى كيليان مباپپە رەيتينگتىڭ توپ-20 تىزىمىنە دە ەنبەدى. 25 جاستاعى فۋتبولشى 106،2 ميلليون ەۋروعا باعالانىپ، تىزىمدە 27ء-شى ورىنعا تۇراقتاعان. Transfermarkt فرانسيالىقتى 180 ميلليون ەۋروعا باعالاپ وتىر. 

CIES Football Observatory تۇجىرىمىنشا ەڭ قىمبات 10 فۋتبولشى:

1. دجۋد بەللينگەم ("رەال") - 267،5 ميلليون ەۋرو؛

2. ەرلينگ حولاند ("مانچەستەر سيتي") - 251،2 ميلليون ەۋرو؛

3. ۆينيسيۋس جۋنيور ("رەال") - 250،3 ميلليون ەۋرو؛

4. رودريگو ("رەال") - 247،9 ميلليون ەۋرو؛

5. بۋكايو ساكا ("ارسەنال") - 223 ميلليون ەۋرو؛

6. فيل فودەن ("مانچەستەر سيتي") - 195،8 ميلليون ەۋرو؛

7. گاۆي ("بارسەلونا") - 175،4 ميلليون ەۋرو؛

8. حۋليان الۆارەس ("مانچەستەر سيتي") - 164،7 ميلليون ەۋرو؛

9. دجامال مۋسيالا ("باۆاريا") - 152،4 ميلليون ەۋرو؛

10. مارتين ەدەگور ("ارسەنال") - 150،6 ميلليون ەۋرو.