Booking.com سايتى ساياحاتشىلاردىڭ پىكىرىن نەگىزگە الىپ 2025 جىلى بارۋعا تۇرارلىق جاھانداعى ەڭ قوناقجاي جەرلەردىڭ رەيتينگىن تۇزگەن.
رەيتينگكە وكىنىشكە قاراي قازاقستانداعى بىردە-بىر جەر ەنبەگەن. تۋريستەر ساياحاتتىڭ ەڭ جاعىمدى تۇسى دەپ قوناقجايلىلىق پەن قاۋىپسىزدىكتى اتاعان.
زەرتتەۋ 360 ميلليوننان اسا شىنايى پىكىرگە سۇيەنىپ جاسالعان.
ساياحاتتاۋشىلار قوناقۇيلەردە قونىپ، جالعا بەرىلەتىن كولىكتەردە نەمەسە تاكسيدە وتىرىپ كورگەن سوڭ عانا جازبا قالدىرعان.
– بۇل ءتىزىم كوفەحانالار مەن جاعاجايلاردان ورتاعاسىرلىق قالالار مەن تروپيكالىق ەلدى مەكەندەرگە دەيىنگى الەمدىك باعىتتاردىڭ ارتۇرلىلىگىن كورسەتەدى. ولاردىڭ بارلىعى ۇمىتىلماس وقيعالارعا شابىتتاندىرادى، – دەيدى قىزمەت وكىلدەرى.
2025 جىلى الەمدەگى ەڭ قوناقجاي 10 ورىن:
سيگيريا، شري-لانكا؛
كاسورلا، يسپانيا؛
ۋرۋبيچي، برازيليا؛
تاۋپو، جاڭا زەلانديا؛
سەنت-وگاستين، اقش؛
ورۆيەتو، يتاليا؛
مانيسالەس، كولۋمبيا؛
كۆەدلينبۋرگ، گەرمانيا؛
كو-لانتا، تايلاند؛
چەستەر، ۇلىبريتانيا.
الەمدىك رەيتينگتە ءبىرىنشى ورىندى يۋنەسكو-نىڭ بۇكىلالەمدىك مۇرا تىزىمىنە كىرگەن شري-لانكانىڭ ماتالە اۋدانىنداعى بيىكتىگى 180 مەتر بولاتىن بىرەگەي جارتاس سيگيريا يەلەنگەن. ەكىنشى ورىنعا يسپانياداعى كاسورلا جايعاسسا، ۇزدىك ۇشتىكتى برازيلياداعى ۋرۋبيچي قالاسى تۇيىندەپ تۇر.