الەمدەگى ەڭ جولى بولعىش ادامنىڭ ەسىمى - حورۆات فرانە سەلاك.
ول جەتى رەت ولىمنەن قالعان. فرانە سەلاك العاش رەت 28 جاسىندا ولىممەن بەتپە-بەت كەلگەن. 1957 جىلى ول مىنگەن اۆتوبۋس جولدان شىعىپ، وزەنگە قۇلاعان. سەداك پەن جۇرگىزۋشى شىعىپ ۇلگەرىپ، جاعاعا دەيىن ءجۇزىپ بارعان. بۇل تۋرالى Almaty-akshamy.kz Egemen.kz-كە سىلتەمە جاساي وتىرىپ حابارلايدى.
اپات 1962 جىلى سارايەۆودان دۋبروۆنيككە پويىزبەن ساپار شەگۋ كەزىندە دە قايتالاندى. تاس رەلستەرگە قۇلاپ، پويىز رەلستەن شىعىپ، قاتىپ جاتقان نەرەتۆا وزەنىنە قۇلاعان. سەلاك كۋپەنىڭ تەرەزەسىن سىندىرىپ، ۆاگوننان شىعىپ، ونىمەن بىرگە كەلە جاتقان تانىسىنىڭ ءومىرىن دە قۇتقارىپ قالعان.
1963 جىلى سەلاك ناۋقاس اناسىنىڭ جاعدايىن ءبىلۋ ءۇشىن ۇشاققا زاگرەبتەن ريەكاعا چارتەرلىك رەيسكە وتىرادى. رەيستە ورىن بولمايدى، الايدا ول ءوزىنىڭ وتباسىلىق جاعدايىمەن كەتىپ بارا جاتقاندىعىن ءتۇسىندىرىپ ەكيپاجدى ءوزىن بىرگە الىپ كەتۋگە كوندىرەدى. ول ۇشاقتىڭ ارتقى جاعىندا روزيكا ەسىمدى ستيۋاردەسسانىڭ جانىنا جايعاسادى.
اۋەجايدان الىس ەمەس جەردە ۇشاق تەحنيكالىق اقاۋلىعىنا بايلانىستى، بيىكتىگىن جوعالتىپ تاسقا سوعىلادى. قۇلاعانعا دەيىن ۇشاقتىڭ ەسىگى اشىلىپ كەتىپ، سەلاك پەن روزيكا 800 مەتر بيىكتىكتەن جەرگە قۇلاپ امان قالادى. ءبىراق قالعان ەكيپاج مۇشەلەرى قازا بولدى.
1970 جىلى سەلاك كولىگىمەن كەلە جاتىپ، كولىگى اياق استىنان ورتەنە باستاعان. ول جالىن جانارماي باگىنا جەتكەنگە دەيىن بىرنەشە سەكۋند بۇرىن كولىكتەن شىعىپ، ءقاۋىپسىز قاشىقتىققا جەتىپ ۇلگەرگەن.
1995 جىلى اۆتوبۋس قاعىپ كەتىپ، تەك جەڭىل جاراقاتپەن قۇتىلعان.
1996 جىلى كولىگىمەن جاردان قۇلاپ، كولىگىنەن سەكىرىپ شىعىپ ۇلگەرگەن.
2003 جىلى سەلاك لوتورەيالىق بيلەتتەردى ساتىپ الىپ، 600 000 فۋنت ۇتىپ العان. بۇل قاراجاتقا ءۇي مەن ساياجاي ساتىپ الىپ، جاقىندارىنا 25 اۆتوكولىك سىيلاپ، قارجىلاي كومەكتەسكەن.
فرانە سەلاك 2016 جىلى 86 جاسىندا ومىردەن وتكەن.