بۇۇ قاۋىپسىزدىك كەڭەسى ايەلدەرگە، بەيبىتشىلىك پەن قاۋىپسىزدىككە قاتىستى ماڭىزدى رەزوليۋسيانى قابىلداعانىنا 20 جىلدان استام ۋاقىت وتسە دە، الەمدەگى ايەلدەر «قورشاۋدا» قالدى. بۇل تۋرالى سەيسەنبى كۇنى بۇۇ ايەلدەر ۇيىمىنىڭ اتقارۋشى ديرەكتورى سيما باحۋس ايتتى، دەپ حابارلادى اlmaty-akshamy.kz turkystan.kz-كە سىلتەمە جاساپ.
قاۋىپسىزدىك كەڭەسىنىڭ ايەلدەر، بەيبىتشىلىك جانە قاۋىپسىزدىك ماسەلەلەرى بويىنشا جوعارى دەڭگەيدەگى اشىق پىكىرتالاستارى كەزىندە ول اۋعانستانداعى جانە باسقا دا قاقتىعىستاردان زارداپ شەككەن ەلدەردەگى ايەلدەرگە ءقاۋىپ توندىرەتىن مىسالداردى كەلتىردى.
قازىرگى تالقىلاۋلاردىڭ تاقىرىبى – «1325-قاراردىڭ قابىلدانعانىنا 25 جىل». 2000 جىلدىڭ قازان ايىندا بەكىتىلگەن بۇل قۇجاتتا بۇۇ قاۋىپسىزدىك كەڭەسى ايەلدەردىڭ بەيبىتشىلىك ۇدەرىستەرىنە، جانجالداردى شەشۋگە جانە بەيبىتشىلىكتى نىعايتۋعا تولىق، تەڭ جانە ماعىنالى قاتىسۋ قۇقىعىن مويىندادى.
قازىرگى ۋاقىتتا قاۋىپسىزدىك كەڭەسىنە ءتوراعالىق ەتەتىن موزامبيك ازىرلەگەن پىكىرتالاسقا ارنالعان تۇجىرىمدامالىق قۇجاتتا «بۇگىنگى كۇنگە دەيىن ايەلدەر الەمدەگى قارۋلى قاقتىعىستاردان ەڭ كوپ زارداپ شەككەن الەۋمەتتىك توپ بولىپ قالا بەرەدى» دەلىنگەن. قۇجاتتا ايەلدەردىڭ قۇقىقتارى ءالى دە قاتاڭ بۇزىلۋدا، ولار مارگينالدى جانە بەيبىتشىلىك پەن قاۋىپسىزدىك ماسەلەلەرى بويىنشا شەشىم قابىلداۋدان شەتتەتىلگەن كۇيدە قالادى.
«بىزگە باعىتتى تۇبەگەيلى وزگەرتۋ كەرەك ەكەنى انىق»، – دەدى سيما باحۋس.
ول ايەلدەردى بۇۇ ىقپال ەتە الاتىن بارلىق جينالىستار مەن شەشىمدەر قابىلداۋ پروسەستەرىنە قاتىسۋعا شاقىردى.
«ءبىز رەسۋرستاردى قاجەت ەتەتىن، ءبىراق ولاردا جوق ادامداردى قامتاماسىز ەتۋ ءۇشىن ءاقپاراتتىق-تۇسىندىرۋ جۇمىستارىن كەڭەيتۋىمىز كەرەك»، – دەپ قوستى سيما باحۋس.