بۇل دا جاڭارعان كوشى-قون ساياساتىنىڭ تۇجىرىمداماسى اياسىندا ىسكە اسىرىلاتىن جوسپار.
اۋقىمدى قۇجاتتىڭ ءبىر تاراۋى ءبىلىم بەرۋ يمميگراسياسىنا ارنالادى. سونىمەن بىرگە، قازاقستان ەكونوميكاسىنا پايداسى تيەر جوعارى بىلىكتى ماماندار، ينۆەستيسيا، وزىق تەحنولوگيالاردى تارتۋ ماقساتىندا ۆيزالاردىڭ جاڭا تۇرلەرى ەنگىزىلەدى. سونداي-اق ءقازىر سۇرانىسقا يە ماماندىقتاردىڭ رەيتينگىسى ازىرلەنىپ جاتىر، دەپ حابارلايدى Almaty-akshamy.kz 24.kz-كە سىلتەمە جاساپ.
«بءىز باسىمدىققا يە 9 سالانىڭ ماماندىقتار اتلاسىن ازىرلەدىك. ونىڭ دەنىن IT ماماندارى، ءارتۇرلى باعىتتاعى ينجەنەرلەر، سونىمەن بىرگە مەديسينا سالاسىنداعى، ناقتىراق ايتقاندا، اناستەزيولوگ، نەيروحيرۋرگتەر قۇراپ وتىر. اتلاستىڭ ءبىرىنشى نۇسقاسىن بارلىق ورگاندارعا تاراتىپ بەردىك. كەلەسى جىلى قاي ماماندىققا سۇرانىس كوپ ەكەنىن انىقتايمىز. بۇل رەيتينگ ۇنەمى زامان قاجەتتىلىگىنە ساي جاڭارىپ وتىرادى»، - دەيدى ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا.