2023-2024 جىلدارى الەمدە ۆيرۋستىق اۋرۋلار ءورشۋى مۇمكىن. بۇل تۋرالى دۇنيەجۇزىلىك دەنساۋلىق ساقتاۋ ۇيىمى مالىمدەدى.
دەنگە بەزگەگى، “زيكا” ۆيرۋسى جانە تاعى باسقا ءقاۋىپتى ىندەتتەر كەڭ تارالۋى ىقتيمال. اگەنتتىك باسشىسى تەدروس ادحانوم گەبرەيەسۋستىڭ مالىمدەۋىنشە، بۇعان ەل-نينو - تابيعي كليماتتىق قۇبىلىس سەبەپ بولىپ وتىر. ول - كليماتتىڭ وزگەرۋىنەن جاۋىن-شاشىننىڭ كوپ تۇسۋىنە تۇرتكى بولاتىن سيكلون.
قازىرگى تاڭدا پەرۋدە دەنگە بەزگەگى ۋشىعىپ تۇر. ەلدە ينفەكسيادان كوز جۇمعان ادام سانى رەكوردتتىق كورسەتكىشكە جەتتى. وتكەن اپتادا ۆيرۋستى 146 مىڭ ادام جۇقتىرىپ، 248 تۇرعىن وپات بولعان. ەپيدەميالىق احۋال ارگەنتينادا دا ناشار. ەلدە جىل باسىنان ساۋىرگە دەيىن 41 مىڭ جاعداي تىركەلگەن. بوليۆيادا دا مىڭداعان ادام ىندەت جۇقتىرىپتى.